Magkakaroon ng tiyansa ang double gold medalist na si Carlos Yulo na pagharian muli ang floor exercise sa FIG Artistic Gymnastics World Championship na gaganapin sa darating Biyernes, Oktubre 24, 2025. 

Matapos ito ng pinakitang performance ni Yulo noong Linggo, Oktubre 19, 2025 kung saang nakapagtala siya ng 14.566 na puntos, pangalawa sa nangunang Olympic Bronze Medalist na si Jake Jarman na nakapagtala ng puntos na 14.700. 

Matatandaang huling nakamit ni Yulo ang gintong medalya sa floor exercise sa Sttutgart edition noong 2019. 

Naging ikalima si Yulo sa nasabing kategorya ng kompetisyon sa Kitakyushu noong 2021, pangpito sa Liverpool noong 2022, at pang-apat naman sa Antwerp noong 2023. 

Ranking ng Pilipinas, patuloy pagratsada sa 33rd SEA GAMES 2025

“The qualifying results of Carlos were pretty encouraging, so we hope and pray he can match his golden double in the Paris Olympics,” saad ni Gymnastics Association of the Philippines (GAP) President Cynthia Carrion. 

Bukod sa nangungunang si Jarman, makakasabayan din ni Yulo sa podium ang Pan American Games silver medalist na si Kameron Nelson (United States), 2023 bronze medalist na si Milad Karimi (Kazakhstan), two-time world silver medalist na si Kazuki Minami (Japan), European Championships multi-medalist na si Krisztofer Meszaros (Hungary), two-time European champion na si Luke Whitehouse (Great Britain), at ang kauna-unahang pambato ng Thailand sa apparatus evet world championship na si Tikumporn Surintornta. 

Samantala, matapos ang gaganaping floor exercise finals sa Biyernes, sasabak din si Yulo sa vault finals sa darating na Sabado, Oktubre 25, kung saan inaasahang masugid niyang katunggali ang 2022 champion na si Artur Davtyan ng Armenia.

MAKI-BALITA: Carlos Yulo, nagpaubaya sa ibang gymnast; bye-bye na sa SEA GAMES 2025

Mc Vincent Mirabuna/Balita