Ipinagpaliban ang ikalawang pagdinig ng Independent Commission for Infrastructure (ICI) sa darating na Miyerkules, Oktubre 22 kay Leyte 1st District Representative at dating House Speaker Martin Romualdez, batay sa ipinadalang mensahe sa media nitong Sabado, Oktubre 18.
Ayon sa ICI, humiling umano si Romualdez na ipagpaliban muna ang nabanggit na hearing dahil kailangan niyang sumailalim sa isang "medical procedure."
Hindi naman idinetalye kung ano ang lagay ng kalusugan ng kongresista.
Matatandaang noong Oktubre 14 ay sumalang na sa unang pagdinig sa ICI si Romualdez kung saan itinanggi rin niya ang kaugnayan sa "basura scheme."
Higit 70k kapulisan, ipapadala ng PNP para sa ligtas na Simbang Gabi 2025
"Nagpapasalamat ako talaga sa mga miyembro ng ICI that I was finally given an opportunity to share my side of the story. Kumbaga sa ngayon, it’s about facts and evidence and hindi lang political noise or speculations, kaya the ICI commissioners were able to ask me many questions and I was able to answer them, and I feel very, very happy and I welcome this opportunity,” ani Romualdez nang matanong ng media tungkol dito.
"I’m very glad that I was invited to the ICI to share my personal knowledge on the budget process and, of course, any information about the insertion on the flood control," dagdag pa niya.
Samantala, posible rin umanong obligahin ang ICI si Romualdez na maglabas ng Statement of Assets Liabilities and Networth (SALN).
“I am ready to come back to the commission anytime I’m invited so that if I can share more information, I will do so,” pahayag pa niya.
KAUGNAY NA BALITA: Romualdez, itinanggi ang koneksyon sa ‘basura scheme’—ICI
