Kinumpirma ni Gymnastic Association of the Philippines (GAP) President Cynthia Carrion ang tuluyang hindi paglahok ni two-time Olympic gold medalist Carlos Yulo sa 33rd Southeast Asian Games (SEA GAMES) sa Thailand.

Ayon sa kumpirmasyon ni Carrion sa isang text message sa Manila Bulletin-Tempo nitong Sabado, Oktubre 18, 2025, mismong si Caloy ang nagdesisyong hindi sumali sa nasabing torneo.

“Yes, it is confirmed. Carlos decided that he will not join,” ani Carrion.

Sa hiwalay na pahayag, iginiit din ni Carrion ang desisyon ni Caloy na magparaya para sa iba pang pambato ng bansa sa gymnastics.

Ranking ng Pilipinas, patuloy pagratsada sa 33rd SEA GAMES 2025

“Carlos wants to give chances for his team to win it and with him there will remove the chances for his teammates that can win it,” saad niya. 

Matatandaang noong Biyernes, Oktubre 17, nang ihayag din ni Carrion ang pagbabago sa rules ng SEA Games Federation kung saan nilimitahan na lang sa isang kategorya ang maaaring sa men’s artistic category.

“Carlos cannot compete in all. He can only compete in one apparatus. They’re only giving everybody one apparatus,” saad ng GAP President.

Aniya, “Because if they give Carlos all, he’s going to win all. And nobody will win anything anymore.”

Pinuna rin niya ang tila pamemersonal umano ng pederasyon bunsod ng kakayahan ni Caloy na maipanalo raw ang lahat ng kategorya.

“They’re giving only one apparatus. If they give Carlos all, he’s going to win all the apparatus for sure. So they’re giving him only one,” saad ni Carrion. 

Samantala, kabilang naman ang nakababatang kapatid ni Caloy na si Karl Eldrew sa mga inaasahang bubuhat sa Team Pilipinas sa gymnastics kasama sina Juancho Besana at Ivan Cruz. 

Raratsada ang bakbakan ng SEA Games 2025 sa Disyembre 9 na tatagal hanggang Disyembre 20.