Magpapadala ng ₱5 milyong cash assistance ang Cebu sa Davao Oriental na tinamaan ng mga paglindol kamakailan.
Ayon sa social media post ng Cebu Province noong Lunes, Oktubre 13, inaprubahan na ng ika-17 Sangguniang Panlalawigan of Cebu ang resolusyon na nagpapahintulot kay Gov. Pamela Baricuatro na makapagabot ng ₱5 milyong donasyon sa Davao Oriental.
“The 17th Sangguniang Panlalawigan of Cebu has approved a resolution authorizing Gov. Pamela Baricuatro to donate P5-million in cash assistance to the Provincial Government of Davao Oriental, which was recently hit by a 7.4-magnitude earthquake,” saad sa nasabing post.
Ayon pa rito, ang donasyon ay naglalayong makatulong sa disaster response at rehabilitasyon ng Davao Oriental matapos ang pagtama ng magnitude 7.4 at 6.8 na lindol dito noong Biyernes, Oktubre 10.
Higit ₱10M halaga ng marijuana, nasabat sa Ilocos Sur
Ang nasabing resolusyon ay inihain nina Stanley Caminero, Red Duterte, at Raymond Calderon.
Sa kaugnay na balita, unang inanunsyo ni Baricuatro ang pagsusumite ng panukala para sa tulong-pinansyal ng Cebu sa Davao Oriental noong Sabado, Oktubre 11.
“Governor Pamela S. Baricuatro announced that the Cebu Provincial Government will donate a substantial amount to Davao Oriental. The proposed financial assistance will be submitted to the Cebu Provincial Board for approval,” saad dito.
Bukod pa sa tulong-pinansyal, nagpahatid ng pakikisimpatya at dasal si Baricuatro sa mga residente ng Davao Oriental.
“Governor Baricuatro also extended her prayers and heartfelt sympathy to the people of Davao Oriental and nearby areas, reaffirming Cebu’s spirit of solidarity and compassion in times of calamity,” aniya.
“In moments like these, we stand as one nation — united in care, strength, and hope,” dagdag niya pa.
Matatandaan din na isa ang probinsya ng Davao na nagpaabot ng tulong sa Cebu matapos ang pagyanig ng magnitude 6.9 na lindol dito noong Setyembre 30.
Ilan sa mga tulong na ipinahatid ng Davao sa Cebu ay ₱1 milyong cash aid, relief goods, at serbisyong medikal para sa mga nasugatan.
Sean Antonio/BALITA
