Sumagot si Cavite 4th district Rep. Kiko Barzaga sa nakatakda niyang pagharap sa Ethics Committee bunsod ng isinampa sa kaniya na ethics complaint ni Deputy Speaker Ronaldo Puno.

KAUGNAY NA BALITA: 'I know he is not well!' Ethics complaint, ihahain laban kay Rep. Barzaga

Sa ambush interview ng media kay Barzaga nitong Lunes, Oktubre 13, 2025, iginiit niyang nakahanda raw siya sa anumang pagdinig laban sa kaniya.

“I prefer not to settle because I want to try to have a hearing and to try my defense there,” ani Barzaga.

National

'Nandito si Mama, naghihintay sa 'yo!' Nanay ng nawawalang bride-to-be, nanawagang maibalik nang maayos ang anak

Saad pa niya, inaasahan na raw niyang maari siyang mamatay noong umpisahan umano niyang kalabanin si dating House Speaker Martin Romualdez.

“I'm ready for anything. When it all started, when I fought against Romualdez, I was fully expecting to die, but kung sanctions lang naman edi that's much better than dying,” saad ni Barzaga.

Hindi rin umano niya iniinda kung sakaling tanggalin siya sa kaniyang posisyon o maipakulong.

“Yes, suspensions, removal, imprisonment, those are all possible but that's fine,” anang mambabatas.

Matatandaang noong Setyembre nang gumawa ng ingay si Barzaga matapos siyang kumalas sa NUP dahil sa umano’y pag-uugnay sa kaniya ni Puno sa isang signature campaign na mapatalsik sa posisyon si Romualdez.

KAUGNAY NA BALITA:  Cavite solon na iniugnay sa pagpapatalsik kay Speaker Romualdez, kumalas sa majority bloc

Matapos ang anunsyo ng pagkalas sa NUP at pag-alis sa mayorya ng Kamara, nagpaulan ng magkakasunod na tirada si Kiko laban kay Romualdez.

Paliwanag ni Barzaga, bunsod ng pagkalas niya sa sariling partido at pag-alis sa mayorya ng Kamara—mas mamarapatin na raw niyang suportahan na maimbestigahan si Romualdez, na minsan lang daw niyang sinuportahan bunsod na rin ng utos ng kaniyang partido.

"I supported Speaker Romualdez due to this, though now that I am free from my party’s constraints, I suggest that he must be investigated for any anomalies involving Flood Control Public Funds," aniya pa.

KAUGNAY NA BALITA: Rep. Barzaga, suportadong paimbestigahan si Romualdez sa isyu ng flood control projects