Hinikayat ng Catholic Bishops’ Conference of the Philippines (CBCP) ang publiko para magsuot ng kulay puti tuwing Linggo mula buwan ng Oktubre hanggang Nobyembre.
Sa circular na inisyu ng CBCP nitong Sabado, Oktubre 11, nakasaad doon ang layunin ng nasabing panawagan.
“For the past few days now we have been experiencing terrible calamities: typhoons, volcanic erruption, fires, and earthquakes—one after another! Let us beg the Lord's mercy on our people,” saad ni CBCP president at Kalookan Bishop Cardinal Pablo “Ambo” Virgilio David.
Kaya panawagan niya, “[Wear white clothes, display white ribbons] as a sign of our desire for transparency, accountability, and good governance, and as a humble prayer that our nation may be washed clean and renewed in God’s mercy, and spared of further calamities."
Sen. Bato, masayang nakita ang apo
Matatandaang kamakailan lang ay nanawagan din ang CBCP na panigan ang integridad kaugnay sa gumugulong na imbestigasyon sa likod ng maanomalyang flood control projects.
Maki-Balita: CBCP, umapela sa mga opisyal na katigan ang integridad sa imbestigasyon ng flood control projects
Samantala, hinimok din kamakailan ni 1Sambayan Convenor at Trillion Peso Movement spokesperson Atty. Howard Calleja ang pagsusuot ng puting damit tuwing Biyernes hanggang sumapit ang Nobyembre 30 bilang pagtutol sa talamak na korupsiyon.
Maki-Balita: 1Sambayan, Trillion Peso, hinihikayat mga Pilipino magputi tuwing Biyernes kontra korapsyon
