Nagbigay ng pahayag si Davao 1st district Rep. Paolo “Pulong” Duterte kaugnay sa pagkakatalaga ni Pangulong Ferdinand “Bongbong” Marcos, Jr., kay Secretary of Justice Jesus Crispin “Boying” Remulla bilang bagong Ombudsman.
Ayon sa ibinahaging post ni Pulong sa kaniyang Facebook account nitong Martes, Oktubre 7, 2025, pinasaringan niya ang mga nakaupo umano sa pamahalaan na nangangailangan ng tulong upang “mapagtakpan” umano sila.
“Statement on the appointment of Boying Remulla as Ombudsan,” panimula ni Pulong sa caption ng kaniyang post.
“It makes sense. Sa dami ng problema ng mga nakaupo ngayun, kailangan nila ng lahat ng tulong na makuha nila para mapagtakpan sila. Even at the cost of making a mockery of our constitution. God bless the Philippines,,” saad ni Pulong.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Photo courtesy: Congressman Paolo “Pulong” Duterte (FB)
Matatandaang itinalaga na ni PBBM si Remulla bilang bagong Ombudsman.
MAKI-BALITA: https://balita.mb.com.ph/2025/10/07/doj-sec-remulla-itinalaga-bilang-bagong-ombudsman-ni-pbbm/
Ayon ito sa inilabas na pahayag ng Presidential Communication Office (PCO) sa kanilang Facebook nito ring Martes.
Anang PCO, inappoint ni PBBM si Remulla bilang papalit sa natapos na termino ni dating Ombudsman Samuel R. Martires noong Hulyo 2025.
“President Ferdinand R. Marcos Jr. has appointed Secretary of Justice Jesus Crispin “Boying” Remulla as the new Ombudsman of the Republic of the Philippines, following the completion of the term of Hon. Samuel R. Martires in July,” panimula nila.
Samantala, wala pa namang inilalabas na pahayag si Remulla kaugnay sa sinabi ni Pulong.
Mc Vincent Mirabuna/Balita
