Nagbigay ng reaksiyon si Cavite 4th district Rep. Kiko Barzaga matapos hirangin bilang bagong Ombudsman si dating Department of Justice (DOJ) Secretary Jesus Crispin “Boying” Remulla.
Sa latest Facebook post ni Barzaga nitong Martes, Oktubre 7, sinabi niyang malaya na umanong maipakukulong ng administrasyon ni Pangulong Ferdinand “Bongbong” Marcos, Jr. ang lahat ng laban kay dating House Speaker Martin Romualdez.
“With Remulla as the new Ombudsman, the Marcos Administration will be able to freely imprison those against Romualdez like Marcoleta, Cayetano, and Tiangco,” saad ni Barzaga.
Dagdag pa niya, “People power is the only path to justice now!”
'Ninakaw nila ang Pasko!' Sen. Imee, ibinalandra pulang bag na buwaya
Matatandaang itinalaga si Remulla sa bago niyang posisyon bilang kapalit ni Ombudsman Samuel R. Martires sa natapos nitong termino noong Hulyo 2025.
Samantala, magsisilbi naman si Department of Justice (DOJ) Undersecretary Fredderick Vida bilang officer-in-charge sa posisyong binakante ni Remulla sa nasabing ahensya.
Maki-Balita: DOJ Sec. Remulla, itinalaga bilang bagong Ombudsman ni PBBM
