Nagbigay ng pahayag si Sen. Francis “Kiko” Pangilinan kaugnay sa desisyon umano ni Sen. Panfilo “Ping” Lacson sa pagbibitiw niya bilang Chairman ng Blue Ribbon Committee. 

Ayon sa ibinahaging post ni Pangilinan sa kaniyang Facebook nitong Lunes, Oktubre 6, umaasa umano siyang babawiin ni Lacson ang kaniyang desisyon kaugnay sa pagbibitiw sa nasabing posisyon. 

“I hope Senator Ping will reconsider his decision to resign as Chairman of the Blue Ribbon Committee,” panimula ni Lacson. 

“My sense was and is that while there were a number of our colleagues in the Majority bloc who disagreed with some earlier public pronouncements made by him, the matter had been threshed out and clarified by him in a majority caucus held last Wednesday Oct 1,” dagdag pa niya. 

National

Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes

Ayon kay Pangilinan, wala umano sa mga miyembro ng majority bloc ang naghahangad na palitan si Lacson sa kaniyang posisyon. 

“No one in the majority bloc sought his replacement as Blue Ribbon Committee Chairman,” saad ni Pangilinan. 

Umapela si Pangilinan para kay Lacson na manatili umano siya kaniyang puwesto at hinikayat niya ang kaniyang mga kasamahan sa mayorya na magpakita ng pagsuporta sa nasabing senador. 

“I appeal to Sen Ping to stay on as Blue Ribbon Committee Chairman and appeal as well to our colleagues in the majority bloc to reaffirm our support for him to stay on even as we iron out our differences,” ani ni Pangilinan. 

Paglilinaw pa ni Pangilinan, “While I appreciate Senator Ping’s sensitivity to the sentiments expressed by our fellow Senators in the Majority as a reason for his resignation, I am still hopeful that with the renewed support of the Majority bloc he will be convinced to stay on.”

Pagtatapos pa ni Pangilinan, ang kailangan umano ng bansa sa pagharap ng maraming krisis ay isang institusyon na kumakatig sa katotohanan, pagiging bukas, at may pananagutan para sa publiko. 

“Now more than ever, amidst the political crisis facing the nation, our people are looking for stability and certainty in the state of our affairs and looking to the strength of our institutions to withstand the ongoing crisis and resolve it in favor of the truth, transparency and public accountability,” ‘ika ni Pangilinan. 

Matatandaang inihayag ni Lacson na kinokonsidera niyang magbitiw sa nasabing posisyon noong Linggo, Oktubre 5, 2025. 

MAKI-BALITA: 'Maybe stepping down is an option!' sey ni Lacson, sa pagiging Blue Ribbon Chair niya

Sa isang radio interview, iginiit niyang nakahanda na raw siyang magbitiw sa puwesto bunsod umano ng kaniyang mga kapuwa senador.

Isinaad ni Lacson na tila may mga pahiwatig daw kasi ang ilang mga senador, kung kaya't kinokonsidera niyang magsumite na lamang daw ng resignation sa pinamumunuan niyang komite.

Samantala, habang isinusulat ang artikulong ito, lumabas na sa mga ulat na kinumpirma na ni Senate President Tito Sotto ang pagpapasa ni Lacson ng resignation letter sa kaniyang nasabing posisyon sa Komite. 

Mc Vincent Mirabuna/Balita