Ibinahagi ni Sen. Alan Peter Cayetano ang kaniyang mga napagnilay-nilayan o repleksyon nitong Linggo, Oktubre 5, sa kaniyang Facebook post.
Tungkol ang kaniyang repleksyon sa pagkakaroon ng "tiwala," lalo na ang public trust.
"While We See In Social Media (And Surveys) That Politicians And Politcal Figures Have Their Own Group Of Genuine Supporters: I Dare Say, Now More Than Ever In Our History, Politicians Are Suspects!" mababasa sa kaniyang post.
Dahil dito, naisip daw ni Cayetano, na paano kung magkaroon ng tinatawag na "snap elections" mula sa lahat ng elected officials sa pamahalaan, mula sa Presidente hanggang sa Kongreso.
'Ninakaw nila ang Pasko!' Sen. Imee, ibinalandra pulang bag na buwaya
"People have lost trust in government and government officials. Honestly, who can blame them? So here’s a thought: WHAT IF we all just resign and allow a Snap Election. From The President, Vice President, Senate, and Congress. With One Important Addition - No Incumbent From The Above Can Run For 1 Election Cycle," aniya.
"National Government Has Its Bureaucracy And Will Continue To Run. Governors, Mayors And Barangay Chairpersons Are Generally Trusted And Will Be In Place. No drama, no excuses, no recycling. Just a clean slate for the Filipino people. A turning point leading to ReNewal and ReVival. Instead Of People Power. Sacrifice From People's Servants!"
"If we truly serve them, then starting over shouldn’t scare us. Because real change starts with radical honesty — and the courage to admit when it’s time to step aside. We Should All Just Consider This 'What If' And Pray About It," dagdag pa niya.
Umani naman ito ng iba't ibang reaksiyon at komento mula sa netizens, na mababasa sa comment section ng kaniyang post.
"What a powerful reflection! Truly, trust is the foundation of genuine leadership. It takes real courage and humility for leaders to even consider stepping back for the sake of the people. If only more public servants had this kind of mindset maybe then, true change and healing for our nation would finally begin."
"yan ang dapat and only way... pero habang hindi pa nangyayari dapat majority of Senators should act first , change the Senate President"
"This could be a good idea Sen Cayetano sir but need also to clean the comelec"
"Wag nyo po sirain ang binigay na tiwala sa inyo ng tao."
"Huwag na, gano'n din naman 'yan. Ang gawin na lang, pagbayarin ang mga dapat pagbayarin. Kapag nabakante ang posisyon, saka lagyan ng mas matitino."
Ginagawa ang snap election o "biglaang" halalan kapag may may krisis sa politika, pagkawala ng tiwala sa gobyerno, o kapag naniniwala silang malakas ang kanilang tsansang manalo dahil sa kasalukuyang popularidad.
Matatandaang nagkaroon ng snap election sa Pilipinas noong Pebrero 7, 1986, na isinagawa sa pagitan nina dating Pangulong Ferdinand Marcos, Sr. laban sa misis ng namayapang senador na si Ninoy Aquino, na si Corazon Aquino. Kasabay ito sa panawagang wakasan na ang rehimen ni Marcos na matagal namalagi sa poder.
Sa nabanggit na snap election, "pumabor" ang boto kay Marcos.
Sinundan ito ng pag-walk out ng 35 Comelec tabulators bilang protesta sa umano'y malawakang dayaan upang paboran si Marcos.
Unti-unti, dito na nagsimula ang pag-usbong ng EDSA People Power Revolution noong Pebrero 22, 1986 na naging dahilan para tuluyang maalis sa puwesto ang dating pangulo.
