Muling naglabas ng pahayag si Senate Blue Ribbon Committee Chairman at Senate President Pro Tempore Panfilo “Ping” Lacson tungkol kay Cavite 4th district Rep. Kiko Barzaga.
Ayon sa ibinahaging post ni Lacson sa kaniyang X nitong Biyernes, Oktubre 3, 2025, binanggit niya ang ina ng congressman na si Dasmariñas City Mayor Jenny Barzaga.
Ani ni Lacson, nararamdaman niya umano si Mayor Jenny dahil sa pagsisilbi niya para sa mga mamamayan sa nasabing siyudad.
“I feel for our dear friend, Mayor Jenny Barzaga. As the mayor of Dasmariñas City, she must have her hands full serving her constituents,” panimula ni Lacson.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Pagpapatuloy pa ni Lacson, sinabi niyang may mga “evil-minded” na gumagamit sa anak niyang si Rep. Kiko para sa political agenda.
“The last thing she needs is the evil-mindedness of people who use her son Kiko’s mental state to advance their self-seeking political agenda,” pagtatapos pa niya.
Photo courtesy: Ping Lacson (X)
Sinagot naman ng batang congressman ang naging pahayag na ito ni Lacson.
Ayon sa ibinahaging post ni Barzaga sa kaniyang Facebook nitong Biyernes, Oktubre 3, 2025, pinasaringan niya si Lacson kaugnay sa tila paggamit umano nina Pangulong Ferdinand “Bongbong” Marcos, Jr., at dating House Speaker Martin Romualdez sa senador.
“Wala ka bang salamin? Di mo ba alam na ginagamit ka lang ni Romualdez at Marcos? O baka alam mo pero mas importante sayo ang pera kaysa dignidad?” anang Barzaga.
Photo courtesy: Kiko Barzaga (FB)
MAKI-BALITA: Sinetch itey? Sen. Lacson, may pinatutsadahang 'crazy cat,' 'annoying dog'
Mc Vincent Mirabuna/Balita
