VP Sara bumisita sa Cebu, nakisimpatya sa naapektuhan ng lindol-Balita

VP Sara bumisita sa Cebu, nakisimpatya sa naapektuhan ng lindol

Bumisita si Vice President Sara Duterte at nagpaabot ng pakikiramay para sa lahat ng mga naapektuhan ng magnitude 6.9 na lindol noong gabi ng Martes, Setyembre 30, 2025.

Ayon sa ipinahayag ni VP Sara sa pamamagitan ng isang video sa kaniyang Facebook account nitong Huwebes, Oktubre 2, 2025, nakisimpatya siya para sa mga nagdadalamhating pamilya na naapektuhan ng lindol sa Visayas partikular sa Bogo City, Cebu.

(Sa akong mga kaigsuonan sa Cebu ug uban pang mga isla sa Visayas,

Kinasingkasing nga pag-ampo ug pahasubo sa tanang apektado sa linog nga mitay-og sa Visayas.)

“To my brothers and sisters in Cebu and other islands in Visayas, sincere prayers and condolences to all those affected by the earthquake in Visayas,” ayon kay VP Sara.

Pagpapatuloy pa niya, nararamdaman umano niya ang sakit at paghihirap na kinakaharap ngayon ng kaniyang mga kababayan.

Huwag umano sanang mawalan ng pananalig at pag-asa ang mga nabiktima ng nasabing trahedya at magsilbi silang inspirasyon para sa marami.

(Nasayod ako nga dili matungkad ang kasakit nga inyong gibati ug ang kalisod nga inyong giatubang karon. Apan taliwala sa gibilin nga kadaot sa trahedya sa inyong mga pamilya ug komunidad, dili unta kamo mawad-an og pagsalig ug paglaom. Magsilbi unta kamong tinubdan sa kakusog, kamaayo, ug kadasig sa tanan.)

“I know that the pain you're feeling and the hardship you're facing right now cannot be measured. But amid the devastation of tragedy left on your families and communities, may you never lose faith and hope. May you serve as a source of strength, excellence, and inspiration to all[...]” anang Vice President.

Nananalangin daw si VP Sara sa Diyos na gabayan ang mga nasawing indibidwal at bigyan ng lakas ang pamilyang kanilang naiwan sa pagbangon nilang muli.

“We ask God to grant comfort to those who have lost loved ones, and to provide relief and strength for those holding their families together amid property loss and damage,” ani ni VP Sara.

“May you find strength in one another, and may the legendary Visayan warmth and resilience shine through amidst this deep sorrow,” pagtatapos pa niya.

Mc Vincent Mirabuna/Balita

Misis, sinaksak ng mister sa leeg

Patay ang isang ginang nang saksakin sa leeg ng kaniyang mister matapos na magtalo sa loob ng kanilang tahanan sa Cainta, Rizal nitong Biyernes, Disyembre 12.Kinilala ang biktima sa alyas na 'Marieta,' nasa hustong gulang, at residente ng Barangay Sto. Domingo, sa Cainta.Arestado naman ang suspek na si alyas 'Jaime,' 81, na mahaharap sa kasong parricide sa piskalya.Batay sa...

Palasyo, itinangging pang-optics, propaganda lang ang Anti-Dynasty bill

Sinagot ng Malacañang ang isyung pang-optics at propaganda lang umano ang iminungkahing pagmamadali sa pagpapasa ng Anti-Dynasty bill ni Pangulong Ferdinand “Bongbong” Marcos Jr. kamakailan.Kaugnay ito sa mga kritikong nagsasabi na ang naturang priority bill ay isa lamang umanong “optics” at “propaganda,” sapagkat hindi man lang ito naka-certify as urgent.Sa isinagawang press briefing...

Anti-political dynasty bill, mas magandang hindi dapat madaliin—Palasyo

Nilinaw ng Palasyo na mas maganda raw na hindi madaliin ang pagsasagawa ng batas na anti-political dynasty bill para mas mapag-aralan ito nang mas mabuti.Matapos ito sa naging reaksyon ng publiko sa pagpapasa nina House Speaker Faustino Dy III at IHouse Majority Leader Sandro Marcos ng House Bill 6771 sa Kamara na magsusulong anti-political dynasty bill sa bansa.MAKI-BALITA: HS Bojie Dy, Sandro...