Umani ng reaksiyon at komento mula sa kapwa celebrities at netizens ang latest Instagram post ni Kapuso star at Global Fashion Icon na si Heart Evangelista matapos niyang i-flex ang all-white outfit.
Mababasa sa kaniyang simpleng caption, "Through the light."
Sa larawan, makikita si Heart na nakasuot ng elegant-looking at classic cream o ivory-colored ensemble na binubuo ng isang long-sleeved, button-down blazer na may textured o quilted na tela.
Bilang accessory, dala niya ang isang white handbag, na mas naging sophisticated at timeless ang awrahan, idagdag pa ang suot na black sunglasses, pearl stud earrings, at hairstyle na sleek updo.
Chelsea Fernandez, inirampa Maranao Sarimanok sa Miss Cosmo 2025
Isa sa mga nagkomento rito ay ang Kapuso TV host at social media personality na si Tim Yap.
"Always go towards the light," aniya.
Sey ng mga netizen, kahit hindi nakapunta sa Paris Fashion Week dahil sa ilang mga isyu kaugnay sa mister na si dating Senate President Chiz Escudero, talagang hindi pa rin daw mapipigilan si Heart sa kaniyang passion sa fashion.
"Ayan na sya!!!"
"Boring ang fashion week pag wala ang isang Heart Evangelista."
"Para kang tagapagmana ni Anna Wintour dito @iamhearte hahaha."
"Beautiful as always!"
"MOTHERED."
Samantala, kaugnay naman sa isyu ng mister na senador, nauna na itong pinalagan ni Heart at ipinaliwanag na may sarili siyang income sa kaniyang trabaho bilang celebrity, endorser, at fashion icon.
Sa katunayan, maging ang showbiz insider na si Ogie Diaz, sinabi sa kaniyang latest showbiz vlog na bago pa man maging misis ni Sen. Chiz si Heart, ay sadyang mayaman na ang pamilyang pinanggalingan niya.
KAUGNAY NA BALITA: Heart bugbog na bugbog na sa bashing; mayaman na dati sa pagiging Ongpauco
Anyway, nauna nang nasabi ni Heart na hindi siya dadalo sa Spring/Summer 2026 Fashion Week na gaganapin sa New York, London, Milan, at Paris.
