Kinuwestiyon ng abogado at political scientist na si Atty. Jesus Falcis III na hindi na ba umano puwedeng tawaging “worst senate president” si Sen. Chiz Escudero kung may sinasabing umanong political judgements.
Ayon sa naging panayam ng DZMM kay Falcis nitong Miyerkules, Oktubre 1, 2025, inilatag niya ang tatlong depensa niya kaugnay sa namamagitang issue sa kanila ni Escudero.
“Well, number one Sir Danny, the President himself said ‘mahiya naman kayo!’ If citizens like me, ang lawyer po [ay] Pilipino din ‘yan[...] ang lawyer po [ay] binabaha din ‘yan, so if the President says ‘mahiya naman kayo’ and a Filipino calls a politician ‘shameless,’ anong out of line po do’n?” panimula ni Falcis.
Pahabol pa niya, “hindi po siya ad hominem. It is a political judgement, a political opinion kung shameless or walang hiya ba ‘yong isang tao.”
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Pagpapatuloy ni Falcis, word play lamang umano ang paggamit niya sa salitang “bulok na keso” tungkol kay Escudero.
“‘Bulok na keso’ po, that is a play of word (word play) on the nickname of Sen. Chiz[...] kung bulok ‘yong keso, rotten cheese. Kung may maling ginagawa ang isang tao like Sen. Chiz, then it's just a play on words to call him ‘rotten cheese,’” anang Falcis.
Ginawa ring halimbawa ni Falcis ang bansang America na aniya’y may proteksyon ang mga pagpapahayag sa sarcasm at satirikong paraan.
“Sa America po, protected speech ang sarcasm [at] protected speech ang satire. So hindi naman po pwede lagi na walang lasa ang komentaryo. Kahit sa Pilipinas. Mga journalist, mga analyst, mga commentators[...] ako, I aspired to be commentator, we are entitled to use [ng] mga words na flavorful,” paglilinaw pa niya.
Ayon pa kay Falcis, may karapatan umano ang lahat ng Pilipino na sabihin kung sino ang sa tingin nilang mabuti at hindi mabuting opisyal ng gobyerno ayon sa sarili nilang pananaw.
“I don’t know how he can argue that this is not a protected political opinion. ‘Worst Senate President,’ that is a political judgement. Maraming Pilipino, Sir Danny, can say ‘itong presidente, Pnoy, Duterte, Arroyo, BBM,’ mamimili sila. We are entitled to say, ‘sino ba sa atin nag pinaka best and worst president?’” paliwanag pa ni Falcis.
Ani pa ni Falcis, kuwestiyonable umanong sabihin na hindi na kasali si Escudero na masabihan ng mga political opinion at judgement mula sa mga kagaya niyang mamamayan.
“Ngayon, sa senate president, exempted ba ang Senate President from the political judgement of history or the political judgement of Filipinos? I don’t think so,” ‘ika ni Falcis.
Aniya, ano na lang umano ang mabubuong pagtingin ng maraming tao kung papanagutin siya sa kaniyang nasabi patungkol kay Escudero.
“Kung ako ay ma-sanction because of the word ‘worst senate president,’ ano na lang ang precedent na mai-established? Iba-ibang abogado, iba-ibang Pilipino na hindi na pala puwedeng sabihing [ang] ‘worst senate president in history?’ pagtatapos niya.
Matatandaang nagsampa ng disbarment case si dating Senate President Chiz Escudero laban kay Atty. Jesus Falcis kaugnay ng mga social media post nito laban sa senador.
MAKI-BALITA: Sen. Chiz Escudero, pinapa-disbar si Atty. Jesus Falcis; abogado, rumesbak!
Batay sa naging dahilan ni Escudero, ang mga naging public post ni Falcis sa kaniyang verified Facebook account laban sa kaniya ay pawang "accusatory," "defamatory." "demeaning," "speculative," at "hateful and/or malicious."
Isa sa mga nabanggit na post ni Falcis laban kay Escudero ay noong Hulyo 21, 2025, kung saan, tinawag umanong "makapal ang mukha" ni Chiz matapos daw pagalitan ang House of Representatives dahil sa budget insertions at pork barrel, gayong ang sendor daw ang umano'y "hitik na hitik" sa sa insertions.
Aniya sa kaniyang Facebook post noong Setyembre 29, 2025, “Sino dapat ma disbar? Ako na galit sa corruption or mga pulitiko na accused of kickbacks and budget insertions? And why publicize a disbarment proceeding that the Supreme Court has said should be confidential? Back at you, Senator Chiz Escudero."
Mc Vincent Mirabuna/Balita
