Naghain ng panukalang batas ang tatlong kongresista para amyendahan ang RA 10963 o Tax Reform Acceleration and Inclusion (TRAIN) Law na magpapataw ng karagdagang buwis sa mga matatamis na inumin.
Sa isinagawang press briefing noong Martes, Setyembre 30, binanggit na tugon umano ito upang pababain ang lumalaking bilang ng obesity at non-communicable diseases sa Pilipinas.
“During the SONA [State of Nation Address],” sabi ni Albay 1st District Rep. Cielo Krisel Lagman, “isa sa mga in-emphasize talaga ni Presidente [Ferdinand “Bongbong” Marcos, Jr.] ang tungkol sa nutrisyon.”
Dagdag pa niya, “In-emphasize din ni Presidente ‘yong need para sa exercise and more physical activities. So, palagay ko, ‘pag nakita ‘to more of health-measure than a tax-measure, ‘yon ang strategy na gusto nating gawin.”
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Kaya sa ilalim ng House Bill No.5003, itataas mula ₱12 to ₱40 kada litro ang matatamis na inuming ginagamitan ng purely caloric sweeteners, purely non-caloric sweeteners, o magkahalo.
Bukod dito, papatawan din ng ₱6 na buwis ang mga flavored milk, fermented milk, flavored non-dairy milk beverages at lahat ng sweetened coffee products.
Ilalaan ang malilikom na excise tax mula sa mga inuming ito sa mga sumusunod: Philippine Health Insurance Corp. (40%), Health Facilities Enhancement Program ng Department of Health (10%), at sa Department of the Interior and Local Government (50%).
Kasama ni Lagman sina Mamamayang Liberal (ML) Party-list Rep. Leila de Lima at Dinagat Islands lone District Rep. Kaka Bag-ao sa pagsusulong ng HB 5003.
