Sumundot ng hirit si dating Senador Antonio “Sonny” Trillanes IV matapos umugong ang umano'y interim release ni dating Pangulong Rodrigo Duterte.
Sa latest Facebook post ni Trillanes nitong Sabado, Setyembre 27, ibinahagi niya ang larawan niyang kuha sa labas ng International Criminal Court (ICC).
“Relax lang po. Nasa loob pa si Duts. Nagha-hanapbuhay lang ang abogado niya,” saad ni Trillanes.
Ipinagbigay-alam ng defense team ni dating Pangulong Rodrigo Duterte sa International Criminal Court (ICC) na wala silang pagtutol, gayundin ang pamahalaan ng Pilipinas, sa mga kondisyong inilatag ng nabanggit na korte kaugnay ng inihaing interim release sa dating pangulo.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Maki-Balita: Kampo ng depensa, PH gov't walang tutol sa kondisyon ng ICC sa interim release ni FPRRD
Bagay na pinabulaanan naman ni Palace Press Officer Atty. Claire Castro, "The Marcos Jr. administration is not privy and has no hand to the former President Duterte's ongoing trial before ICC, particularly his request for interim release.”
Maki-Balita: Itinuwid pahayag ni Kaufman: Malacañang, may nilinaw tungkol sa interim release ni FPRRD
Kasalukuyang nakapiit sa The Hague, Netherlands si Duterte dahil sa kaso ng crimes against humanity.
Matatandaang pormal nang naghain ng 3 counts of murder noong Setyembre 22 ang Deputy Prosecutors ng ICC laban kay Duterte.
Maki-Balita: ICC Prosecutors, sinampahan na si FPRRD ng 3 counts of murder
