Hangad ng social media personality na si Whamos Cruz na maging kamukha ng partner niyang si Antonette Gail Del Rosario ang ipinagbubuntis nito, upang makaiwas sa panlalait ng mga tao.
Hindi kasi mawala-wala ang bashers na nagsasabing sana raw, hindi maging kamukha ni Whamos ang anak nilang bunso.
"SANA MAGING KAMUKA NALANG NI Antonette Gail YUNG MAGIGING ANAK NAMEN PARA HINDI MAKA RANAS NG PANG LALAIT NG IBANG TAO," ani Whamos sa kaniyang Facebook post noong Setyembre 24.
"KASE KAPAG NAGING KAMUKA KO SASABIHIN NG TAO ANG MALAS NG BATA."
Umakbay pa nga! Kaila, Daniel magkasamang nanood ng concert?
Matatandaang nauna nang nagsalita si Whamos tungkol sa mga nababasa niyang komento ng panlalait sa kaniya, na kesyo baka maging kamukha raw niya ang anak nila.
"ETO NANAMAN TAYO SA WAG KO DAW SANA MAGING KAMUKA ANG BABY PAG LABAS HAYS HANGGANG KAILAN NYO BA AKO LALAITIN? HANGGANG SA PAG TANDA KOBA?" mababasa sa post ni Whamos.
Dagdag pa niya, "BAKET BA HINDI NALANG KAYO MAGING MASAYA PARA SAKEN? ANO BANG MALING GINAWA KO SA INYO?TAPOS SASABIHIN PA NG IBA HINDI KO DAW ANAK NANAMAN."
KAUGNAY NA BALITA: 'Hanggang kailan n'yo ba 'ko lalaitin?' Whamos, pumalag sa 'wag sana maging kamukha baby niya'
Samantala, ibinahagi rin ni Whamos ang hindi magandang prediksyon ng fortune teller na si Jay Costura hinggil sa pagbubuntis ni Antonette Gail.
Gagawin daw ni Whamos ang lahat ng makakaya niya para mapigilan ito.
"AALAGAAN KO KAYO NG SOBRA SOBRA," ani Whamos.
"HINDI KO HAHAYAAN NA MAY MANGYARING HINDI MAGANDA SA ASAWA AT SA MAGIGING ANAK KO KAILANGAN KONG AGAPAN ANG PREDICTION NI MADAM JAY COSTURA NA DELIKADO SA PAG BUBUNTIS NI Antonette Gail LORD I BLESSED NYO PO KAME AT INGATAN NYO PO ANG MAG INA KOALISIN NYO PO YUNG TAKOT SAMEN AT MAGING MAAYOS PO ANG LAHATSALAMAT PO AMA KO," dagdag pa niya.
