Pinatawan ng preventive suspension ni Department of Public Works and Highways (DPWH) Sec. Vince Dizon ang anim na kawani ng Baguio City District Engineering Office (BCDEO)  dahil sa umano’y anomalya sa bidding process. 

Ayon sa memorandum na ibinaba ni Dizon nitong Biyernes, Setyembre 26, ang nasabing preventive suspension ay ipinataw dahil sa umano’y kaugnayan ng mga kawani sa dayaan sa bidding process sa BCDEO.

“This refers to a complaint received by this Department alleging your participation in the rigging/fixing/manipulation of the bidding process for infrastructure projects in Baguio City DEO in exchange for one to three (1% - 3%) of the total contract or project cost,” saad sa memorandum. 

Binanggit din dito na binigyan ni Dizon ng limang araw ang mga kawani para magpaliwanag kung bakit hindi sila dapat sampahan ng kaukulang administrative case. 

National

Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes

Ang mga nasabing kawani ay sina: District Engineer Rene Zarate; Chief, Planning and Design Section Cesario Rillera; Chief, Maintenance Section Nora Delos Santos; Engineer II, Planning and Design Section, Jessie Ramos; Engineer II, Planning and Design Section, Frances Vincent Saloria; at Administrative Officer II Frigilda Legaspi. 

Sila ay nasa ilalim ng pamumuno ni District Engineer Rene Zarate, na pinatawan din ng 90-day preventive suspension dahil sa umano’y pagtanggi sa pakikipag-ugnayan sa imbestigasyon ng Independent Commission for Infrastructure (ICI) sa mga anomalya sa flood control projects. 

Sean Antonio/BALITA