Mariing itinanggi ng dating senate president na Sen. Chiz Escudero ang pagkakadawit sa kaniya sa maanomalyang flood control projects, matapos siyang mabanggit sa ikaanim na pagdinig ng Senate Blue Ribbon Committee tungkol sa nabanggit na proyekto, Huwebes, Setyembre 25.

Batay sa sinumpaang salaysay ng dating Department of Public Works and Highways (DPWH) Undersecretary Roberto Bernardo, nabanggit niya ang mga pangalan nina Escudero, at mga dating senador na sina Makati City Mayor Nancy Binay at Ramon "Bong" Revilla, Jr., na umano'y pawang nakatanggap din ng kickback mula sa maanomalyang proyekto.

Aniya, tinatayang aabot umano mula ₱160 million hanggang ₱800 million ang naibigay niya para sa parte ni Escudero.

“I delivered 20% of approximately ₱800 million or about ₱160 million (to) Meynard Ngu which was meant for Senator Escudero,” ani Bernardo sa kaniyang affidavit.

National

Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes

Bagay na pinabulaanan naman ni Escudero at sinabing hindi siya kailanman nagkaroon ng "contact" kay Bernardo.

"I vehemently deny the malicious allegations and innuendos made by former DPWH Usec. Roberto Bernardo in today’s Senate Blue Ribbon Committee. By his own admission, he never had any contact with me directly regarding this matter. I will prove that he is lying about my alleged involvement," aniya.

Giit pa ni Escudero, "It seems like there is a well-orchestrated plan to attack the Senate and its members to destroy and discredit the institution and to divert the public’s attention from the real perpetrators."

Kinuwestyon ni Escudero kung bakit pulos senador ang nababanggit sa mga akusasyon.

KAUGNAY NA BALITA: 'Puro talaga senador tinuturo?!' Sen. Chiz pumalag sa pandadawit sa kanila sa flood control projects

"Puro talaga senador ang tinuturo? Nasaan si Zaldy Co? Nasaan na si Rep. Martin Romualdez sa lahat ng ito? Nasaan ang mga kasabwat niya? Kung babasehan natin ang testimonya ni Usec. Bernardo, lahat sila ay walang kasalanan o kinalaman dito. Hindi naman yatà ito kapani-paniwala."

"Sobra naman ang paglilihis at paglayo nila sa tunay na salarin ang sarswelang ito!"

Banta pa ni Escudero, haharapin at lalabanan niya ang mga alegasyon at magsasampa ng karampatang kaso laban kay Bernardo.

"Maging ganoon pa man, haharapin at lalabanan ko ito at maghahain ng karampatang demanda laban kay Usec. Bernardo sa mga binitiwan niyang walang saysay at basehan na paratang."

Pagmamalaki pa ni Escudero, "For more than 27 years in public service, I have never once been charged with corruption. That record speaks for itself. I believe that when all the facts are revealed, my name and my service will remain untarnished."

Photo courtesy: Screenshot from Chiz Escudero/FB