Papalayo na sa Babuyan Islands ang Super Typhoon Nando matapos mag-landfall sa Panuitan Island sa Calayan, Cagayan kaninang alas tres ng hapon, Lunes, Setyembre 22, ayon sa PAGASA.
Sa weather bulletin ng PAGASA as of 5:00 PM, huling namataan kaninang 4:00 PM ang bagyo sa coastal waters ng Calayan Island sa Calayan, Cagayan.
Taglay nito ang malakas na hangin na 215 kilometers per hour at pagbugsong 295 kilometers per hour. Kumikilos ito pa-kanluran sa bilis na 25 kilometers per hour.
Dahil sa patuloy na lakas ng bagyo, nakataas pa rin ang tropical wind signal no. 5 sa Babuyan Islands.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Signal no. 4 naman sa Southern portion ng Batanes (Basco, Mahatao, Ivana, Uyugan, Sabtang), Northern portion ng mainland Cagayan (Santa Ana, Santa Praxedes, Claveria, Sanchez-Mira, Pamplona, Abulug, Ballesteros, Aparri, Buguey, Santa Teresita, Gonzaga, Camalaniugan), Northern portion ng Ilocos Norte (Pagudpud, Burgos, Bangui, Dumalneg, Adams).
Signal no. 3 sa nalalabing bahagi ng Batanes, Central portion ng Cagayan (Lal-Lo, Gattaran, Baggao, Alcala, Santo Niño, Lasam, Allacapan, Rizal, Amulung, Piat), Northern at central portions ng Apayao (Flora, Santa Marcela, Pudtol, Luna, Calanasan, Kabugao), at nalalabing bahagi ng Ilocos Norte.
Signal no. 2 naman sa nalalabing bahagi ng mainland Cagayan, Isabela, nalalabing bahagi ng Apayao, Abra, Kalinga, Mountain Province, Ifugao, Northern portion ng Benguet (Mankayan, Buguias, Bakun, Kibungan), Northeastern portion ng Nueva Vizcaya (Diadi) , Ilocos Sur, at Northern portion ng La Union (Sudipen, Bangar, Luna, Balaoan, Santol).
At Signal no. 1 sa Quirino, nalalabing bahagi ng Nueva Vizcaya, nalalabing bahagi ng Benguet,nalalabing bahagi ng La Union, Pangasinan, Aurora, Nueva Ecija, Bulacan, Tarlac, Pampanga, Zambales, at Northern portion ng Quezon (General Nakar) kabilang ang Polillo Islands.
Samantala, sa paglayo ng Super Typhoon Nando sa Babuyan Islands ngayong gabi, inaasahang lalabas ito ng Philippine Area of Responsibility (PAR) bukas ng umaga, Setyembre 23.
"Considering these developments, the public and disaster risk reduction and management offices concerned are advised to take all necessary measures to protect life and property. Persons living in areas identified to be highly or very highly susceptible to these hazards are advised to follow evacuation and other instructions from local officials." paalala ng PAGASA.
