Masayang ibinahagi ng drag queen na si Amadeus Fernando Pagente o "Pura Luka Vega" ang pagkaka-dismiss ng mga kasong isinampa laban sa kaniya, kaugnay ng kontrobersiyal niyang drag performance ng "Ama Namin."
Sa X post ni Pura noong Biyernes, Setyembre 19, ibinahagi niya ang screenshot ng patunay na dismissed na ang mga inihaing kaso laban sa kaniya.
"Prayers answered. Thank you Lord!" aniya.
Photo courtesy: Screenshot from Pura Luka Vega/X
Walang pa-anything, kukubra na lang? VIVA Films, binakbakan dahil kay Vice Ganda
Nauna nang ma-acquit ang kaso ng kontrobersiyal na drag queen na Cybercrime Prevention Act (Republic Act o RA 10175) noong Hunyo 10.
Sa 20 pahinang pasya ni Presiding Judge Czarina Samonte-Villanueva ng Manila Regional Trial Court (RTC) branch 184, na-acquit si Pura Luka Vega dahil umano sa kakulangan ng sapat na ebidensya para masabing nagsagawa siya ng krimen sa kaniyang performance.
Isinampa ang kaso laban sa kaniya ng Hijos Del Nazareno kaugnay ng naging performance niya gamit ang dasal na "Ama Namin" habang nakasuot ng costume ng "Nazareno."
"WHEREFORE, premises considered, for failure of the prosecution to establish guilt beyond reasonable doubt, Amadeus Fernando Pagente, also known as Pura Luka Vega, is hereby ACQUITTED…” mababasa sa lumabas na desisyon.
KAUGNAY NA BALITA: Pura Luka Vega, inabswelto sa cybercrime dahil sa 'Ama Namin'
