Inanunsyo ng tinaguriang "Pambansang Ginoo" at Kapuso star na si David Licauco ang pagsasara ng kaniyang restaurant business sa White Plains sa Quezon City, Linggo, Setyembre 21, para makalahok ang mga staff niya sa ikinasang kilos-protesta para sa korapsyon.
Mababasa sa anunsyong naka-post sa opisyal na Facebook page ng negosyo, "NOTICE: Sóbra To-Go White Plains will be closing early at 12:00NN this September 21, 2025 (Sunday), in solidarity with and support of our staff’s right to exercise their freedom of association and peaceful assembly."
Dagdag pa, "Let us remember: The sovereignty and spirit of the Philippines lie, first and foremost, with the Filipino people. The power of government is borrowed from the people. They are accountable to us, not the other way around."
Mananatili namang nakabukas ang Sóbra Cafe Molito at Sóbra Cafe Opus.
Chelsea Fernandez, inirampa Maranao Sarimanok sa Miss Cosmo 2025
Ibinahagi rin ni David ang anunsyo sa kaniyang verified Facebook page.
Umani naman ito ng iba't ibang reaksiyon at komento mula sa netizens.
"Talagang very ginoo naman."
"Very good, aming ginoo."
"Saludo ako sa iyo Pambansang Ginoo David Licauco.."
"Salamat Ginoo sa pagkilala sa tama."
"Saludo ako sau David ingat lage."
Matatandaang nakakasa ang iba't ibang rally sa iba't ibang bahagi ng bansa para sa pagsupil sa korapsyon sa bansa, sa Linggo, Setyembre 21.
