Usap-usapan ang naging mensahe ni Cavite 4th District Rep. Kiko "Congressmeow" Barzaga para kay Leyte 1st District Representative Martin Romualdez matapos opisyal at pormal na magbitiw bilang House Speaker, araw ng Miyerkules, Setyembre 17.

Sa panayam ng media kay Barzaga, natanong siya kung bakit hindi siya pinapasok sa tanggapan ni Romualdez, na napaulat din.

“Sabi lang ng guard doon na private meeting. Nag-sorry siya sa akin, hindi ako makakapasok sa office ni Romualdez," ani Barzaga.

Nagpaabot siya ng pagbati kay Romualdez matapos ang pagpalit sa kaniya ni Isabela 6th District Rep. Faustino "Bojie" Dy III bilang bagong House Speaker.

Politics

‘Isa kang boba!’ Larry Gadon, pinagbibitiw si VP Sara

"I'd like to congratulate him on his graduation from the speakership. Gusto ko lang mag-hi kay Martin and say kumusta, congratulations, bye bye... I hope you enjoy your retirement," ani Barzaga.

Matatandaang bago nito, nagbigay rin ng pahayag si Barzaga sa pagnanais na maging House Speaker.

KAUGNAY NA BALITA: Rep. Kiko Barzaga, tatangkaing palitan si HS Martin Romualdez

Si Barzaga ay kongresistang kamakailan lamang ay kumalas sa National Unity Party (NUP) at House majority bloc, at diretsahang tumutuligsa kay Romualdez.

“While the betrayal of trust is disappointing, I believe it is in the best interests of both myself and the National Unity Party that we go our separate ways, I will also be leaving the majority since I voted for Speaker Romualdez due to my party’s instructions,” saad ni Barzaga sa kaniyang Facebook post, Miyerkules, Setyembre 10.

"I supported Speaker Romualdez due to this, though now that I am free from my party’s constraints, I suggest that he must be investigated for any anomalies involving Flood Control Public Funds," aniya pa.

Inakusahan din umano siyang nangangalap ng mga lagda upang mapatalsik sa kaniyang puwesto si Romualdez.

“Yesterday night, I have been informed that Deputy Speaker Puno, the chairman of the National Unity Party, implicated me in a plot to remove Speaker Romualdez from his position, and that I am collecting signatures to do so. That notion is false,” saad pa ni Barzaga.

KAUGNAY NA BALITA: Cavite solon na iniugnay sa pagpapatalsik kay Speaker Romualdez, kumalas sa majority bloc

Samantala, wala pang reaksiyon, tugon, o opisyal na pahayag si Romualdez o maging ang Malacañang hinggil sa napipintong pagpapalit ng liderato sa Kamara.