Dumipensa si Antipolo 1st district Rep. Ronaldo Puno hinggil sa paghahain nila ng ethics complaint laban kay Cavite 4th district Rep. Kiko Barzaga.
KAUGNAY NA BALITA: 'I know he is not well!' Ethics complaint, ihahain laban kay Rep. Barzaga
Sa press briefing nitong Lunes, Setyembre 15, 2025 nilinaw ni Puno na hindi raw hinahabol ni Romualdez at ng illang mambabatas si Barzaga, sa kabila ng pagpapakawala niya ng maiinit na pahayag laban sa Kamara at sa liderato nito.
"I want that very clear, hindi namin hinahabol si Representative Barzaga, even the Speaker does not want us to do what we are proposing to do,” saad ni Puno.
Parang ang bilis? Doctor-health columnist, napatanong sa 'DNA analysis' kay Catalina Cabral
Saad pa niya, pawang pag-ako lang daw sa responsibilidad ang kanilang gagawain laban sa mga umano’y maling asal ni Barzaga sa Kamara, bilang mga dati niyang kaalyado.
“But we are going to do this because we feel responsible for what has happened, dahil nga miyembro ng partido namin ‘yan, I signed a certificate for nomination and acceptance for him, and we want him to be held to account for this,” ani Puno.
Matatandaang isa si Puno sa mga naunang idiniin ni Barzaga matapos siyang kumalas sa NUP dahil sa umano’y pag-uugnay sa kaniya ni Puno sa isang signature campaign na mapatalsik sa posisyon si Romualdez.
“Yesterday night, I have been informed that Deputy Speaker Puno, the chairman of the National Unity Party, implicated me in a plot to remove Speaker Romualdez from his position, and that I am collecting signatures to do so. That notion is false,” saad ni Barzaga.
KAUGNAY NA BALITA: Cavite solon na iniugnay sa pagpapatalsik kay Speaker Romualdez, kumalas sa majority bloc
Samantala, sa kaniyang Facebook post nitong Lunes din, isang larawan naman ang ibinahagi ni Barzaga na tila isa umanong breaking news kung saan iginigiit nitong, "marked safe" na raw si Romualdez at Ako Bicol Partylist Rep. Elizaldy Co matapos ang naturang ethics complaint laban sa kaniya.
