Kinokonsidera na ng ilang kongresistang miyembro ng National Unity Party (NUP) na maghain ng ethics complaint laban sa dati nilang kapartido na si Cavite 4th district Rep. Kiko Barzaga.
Sa press briefing na pinangunahan ni Antipolo 1st district Rep. Ronaldo Puno nitong Lunes, Setyembre 15, 2025, pinuna niya ang mga umano’y mga maling asal ni Barzaga bilang isang kongresista.
“I know he is not well! But we cannot allow this behavior to be unresponded,” saad ni Puno.
Sa nasabing press briefing din inilatag ni Puno ang kanila raw mga ebidensya laban sa kay Barzaga, partikular na ang mga naging social media post niya noong 2022 kung saan iginiit ni Puno na hindi raw kaaya-aya bilang isang mambabatas.
'Ninakaw nila ang Pasko!' Sen. Imee, ibinalandra pulang bag na buwaya
Kaugnay nito, narito naman ang mga umano’y nilabag ni Barzaga:
Not acting in a manner that reflects credibility on the House
Engaging in acts contrary to law, good morals, customs and public policy
Conduct that incites seditious activity
Conduct prejudicial in the service and unbecoming of a member of congress
Samantala, nilinaw naman ni Puno na hindi raw nila hinahabol si Barzaga at wala rin umanong kinalaman si House Speaker Martin Romualdez sa gagawin nilang aksyon laban sa nasabing kongresista.
“I want that very clear, hindi namin hinahabol si Representative Barzaga, even the Speaker does not want us to do what we are proposing to do,” saad ni Puno.
Dagdag pa niya, “But we are going to do this because we feel responsible for what has happened dahil nga miyembro ng partido namin ‘yan, I signed a certificate for nomination and acceptance for him, and we want him to be held to account for this.”
Matatandaang isa si Puno sa mga naunang idiniin ni Barzaga matapos siyang kumalas sa NUP dahil sa umano’y pag-uugnay sa kaniya ni Puno sa isang signature campaign na mapatalsik sa posisyon si Romualdez.
“Yesterday night, I have been informed that Deputy Speaker Puno, the chairman of the National Unity Party, implicated me in a plot to remove Speaker Romualdez from his position, and that I am collecting signatures to do so. That notion is false,” saad ni Barzaga.
KAUGNAY NA BALITA: Cavite solon na iniugnay sa pagpapatalsik kay Speaker Romualdez, kumalas sa majority bloc
Matapos ang anunsyo ng pagkalas sa NUP at pag-alis sa mayorya ng Kamara, nagpaulan nang magkakasunod na tirada si Kiko laban kay Romualdez.
Paliwanag ni Barzaga, bunsod ng pagkalas niya sa sariling partido at pag-alis sa mayorya ng Kamara—mas mamarapatin na raw niyang suportahan na maimbestigahan si Romualdez, na minsan lang daw niyang sinuportahan bunsod na rin ng utos ng kaniyang partido.
"I supported Speaker Romualdez due to this, though now that I am free from my party’s constraints, I suggest that he must be investigated for any anomalies involving Flood Control Public Funds," aniya pa.
KAUGNAY NA BALITA: Rep. Barzaga, suportadong paimbestigahan si Romualdez sa isyu ng flood control projects
