Inihayag ni Cavite 4th district Rep. Kiko Barzaga na nakatakda raw niyang ihain ang ang legal na proteksyon para sa mga raliyista.

Sa pamamagitan ng Facebook post nitong Biyernes, Setyembre 12, 2025, iginiit ni Barzaga na nakatakda daw siyang gamitin ang kaniyang posisyon sa Kamara upang isulong ang nasabing panukala.

“I will use my position in Congress to call for the legal protection of the protesters tomorrow,” ani Barzaga.

Dagdag pa niya, saludo rin daw siya sa mga bago raw bayani na nakahandang baliin ang sistema.

National

PBBM, ibinida bagong Banago Port sa Bacolod City!

“All corruption has its end and I salute all of our nation’s new heroes that will bring change to a broken system,” anang mambabatas.

Tila isang pahaging din ang inilagay na hashtag ni Barzaga sa nasabing post #PhilippinesVsRomualdez.

Matatandaang nagpaulan nang magkakasunod na tirada si Kiko laban kay Romualdez matapos siyang magbitiw sa kanilang partido at umalis sa mayorya ng Kamara.

Ayon kay Kiko, idiniin umano siya ni Bicol Saro Partylist Rep. Terry Ridon na nagpapakalat ng signature campaign upang mapatalsik sa pagka-House Speaker si Romualdez.

“Yesterday night, I have been informed that Deputy Speaker Puno, the chairman of the National Unity Party, implicated me in a plot to remove Speaker Romualdez from his position, and that I am collecting signatures to do so. That notion is false,” saad ni Barzaga.

KAUGNAY NA BALITA: Cavite solon na iniugnay sa pagpapatalsik kay Speaker Romualdez, kumalas sa majority bloc

Binanggit din ni Barzaga na kailangan daw maimbestigahan si Romualdez bunsod ng pagkakaugnay naman nito sa maanomalyang flood control projects.

"I supported Speaker Romualdez due to this, though now that I am free from my party’s constraints, I suggest that he must be investigated for any anomalies involving Flood Control Public Funds," aniya pa.

KAUGNAY NA BALITA: Rep. Barzaga, suportadong paimbestigahan si Romualdez sa isyu ng flood control projects