Muling nagpatutsada si Cavite 4th district Rep. Kiko Barzaga laban kay House Speaker Martin Romualdez.

Sa kaniyang Facebook post noong Miyerkules, Setyembre 10, 2025, nilinaw niyang hindi raw niya layuning idiin si Romualdez sa kahit na anong krimen o paglabag sa batas.

“My goal here isn't to have Speaker Romualdez judged guilty of any crime,” ani Barzaga.

Giit pa niya, nais umano niyang ipakita sa taumbayan na ang kasalukuyang House Speaker daw ay “untouchable.”

Politics

'Ninakaw nila ang Pasko!' Sen. Imee, ibinalandra pulang bag na buwaya

“My intention is to show the people that no matter what they do, Speaker Martin Romualdez is untouchable,” saad ni Barzaga.

Matatandaang gumawa ng ingay ang pag-alis ni Barzaga sa kaniyang partido kasabay din ng kaniyang pagkalas sa House Majority bloc matapos umano siyang madiin sa pagkakalap ng mga pirma ng kapuwa kongresista upang mapatalsik sa posisyon si Romualdez bilang Speaker.

“Yesterday night, I have been informed that Deputy Speaker Puno, the chairman of the National Unity Party, implicated me in a plot to remove Speaker Romualdez from his position, and that I am collecting signatures to do so. That notion is false,” saad ni Barzaga.

KAUGNAY NA BALITA: Cavite solon na iniugnay sa pagpapatalsik kay Speaker Romualdez, kumalas sa majority bloc

Bunsod nito, inihayag din ni Barzaga ang kaniya na raw pagsuporta na maimbestigahan si Romualdez bunsod ng pagkakaugnay nito sa isyu ng maanomalyang flood control project.

"I supported Speaker Romualdez due to this, though now that I am free from my party’s constraints, I suggest that he must  be investigated for any anomalies involving Flood Control Public Funds," anang mambabatas.

Binira din niya si Romualdez, tungkol sa pagiging district caretaker nito noong mamatay ang kaniyang amang si dating Rep. Pidi Barzaga. 

Aniya, "Dalawang dekadang hindi bumabaha sa Dasma, tapos ngayon binabaha na tayo pagkatapos maging district caretaker ni Martin Romualdez?"

KAUGNAY NA BALITA: '2 dekadang 'di bumabaha sa Dasma, ngayon binabaha na tayo pagkatapos maging district caretaker ni Martin Romualdez?'—Barzaga