Inamin ni Cavite 4th district Representative Kiko Barzaga na pinagsabihan daw siya ng kaniyang inang si Dasmariñas City, Cavite Mayor Jenny Barzaga na huwag kalabanin si House Speaker Martin Romualdez.

“Naiintindihan ko ang sitwasyon ni Mayor Vico, sinabihan rin ako ni Mayor Jenny na wag kalabanin si Romualdez,” saad ng mambabatas sa kaniyang Facebook post nitong Huwebes, Setyembre 11, 2025.

Sa kabila nito, iginiit niyang kailangan pa rin daw na manaig ang hustisya.

“But justice must be done,” saad niya.

Politics

'Grief and mourning are not the same!' Anak ni Enrile, may napagnilayan sa pagpanaw ng ama

Matatandaang nagpaulan nang magkakasunod na tirada si Kiko laban kay Romualdez matapos siyang magbitiw sa kanilang partido at umalis sa mayorya ng Kamara.

Ayon kay Kiko, idiniin umano siya ni Bicol Saro Partylist Rep. Terry Ridon na nagpapakalat ng signature campaign upang mapatalsik sa pagka-House Speaker si Romualdez.

“Yesterday night, I have been informed that Deputy Speaker Puno, the chairman of the National Unity Party, implicated me in a plot to remove Speaker Romualdez from his position, and that I am collecting signatures to do so. That notion is false,” saad ni Barzaga.

Paliwanag pa ni Barzaga, bunsod ng pagkalas niya sa sariling partido at pag-alis sa mayorya ng Kamara—mas mamarapatin na raw niyang suportahan na maimbestigahan si Romualdez, na minsan lang daw niyang sinuportahan bunsod na rin ng utos ng kaniyang partido.

KAUGNAY NA BALITA: Cavite solon na iniugnay sa pagpapatalsik kay Speaker Romualdez, kumalas sa majority bloc

Samantala, ilang oras matapos ang pag-anunsyo niya ng natura niyang pagbibitiw, inatake na ni Kiko si Romualdez sa social media at pinatutsadahan na bumaha na umano sa Dasma matapos itong hawakan ng House Speaker noon bilang district caretaker nang pumanaw ang kaniyang amang si dating Rep. Pidi Barzaga.

Aniya, "Dalawang dekadang hindi bumabaha sa Dasma, tapos ngayon binabaha na tayo pagkatapos maging district caretaker ni Martin Romualdez?"

KAUGNAY NA BALITA: '2 dekadang 'di bumabaha sa Dasma, ngayon binabaha na tayo pagkatapos maging district caretaker ni Martin Romualdez?'—Barzaga

Binanggit din ni Barzaga na kailangan daw maimbestigahan si Romualdez bunsod nang pagkakaugnay naman nito sa maanomalyang flood control projects.

"I supported Speaker Romualdez due to this, though now that I am free from my party’s constraints, I suggest that he must be investigated for any anomalies involving Flood Control Public Funds," aniya pa.

KAUGNAY NA BALITA: Rep. Barzaga, suportadong paimbestigahan si Romualdez sa isyu ng flood control projects