Ipinag-utos ni South Korean President Lee Jae-myung ang agarang pagpapatigil sa pagpapautang sa Pilipinas ng ₩700B o katumbas ng P28 bilyon para sa mga proyektong tulay.
Sa isang Facebook post ni President Lee noong Martes, Setyembre 9, sinabi niya ang dahilan sa likod ng ibinaba niyang utos.
“We have ordered the immediate suspension of procedures regarding the project that was deemed a faulty undertaking with potential for corruption,” saad ng pangulo ng SoKor.
“What is most fortunate is that the project had not yet commenced, and thus, no funds - including those from the Economic Development Cooperation Fund (EDCF)-had been expended,” pagpapatuloy niya.
Japan, niyanig ng magnitude 6.7 na lindol; tsunami advisory, inisyu
Dagdag pa ni Lee, “The fact that as much as 700 billion won in taxpayers’ money was spared from unnecessary waste, and that risks leading to mismanagement and corruption were prevented in advance, carries great significance.”
Batay sa investigative report ng Hankyoreh 21 na kalakip ng paskil ni Lee, isinumite umano ng gobyerno ng Pilipinas ang aplikasyon nito sa gobyerno ng Korea noong Nobyembre 2023 upang humiling ng EDCF loan na $510 milyon o tinatayang ₩710 bilyon para sa modular bridges project.
Sa huli, pinasalamatan ni Lee ang dedikasyon at tapang ng media sa pagsisiwalat ng katotohanan sa pamamagitan ng investigative reporting.
