Nanawagan si Sen. Panfilo "Ping" Lacson na ipa-overhaul umano ang buong Philippine Contractors Accreditation Board (PCAB) sa pagpapatuloy ng imbestigasyon sa flood control projects.

Sa kaniyang privilege speech nitong Huwebes, Setyembre 4, 2025, iginiit niyang kailangan daw ipa-overhaul ang PCAB dahil sa umano'y korapsyong mayroon ang nasabing ahensya sa kabila ng pagiging tahimik nito.

"A complete overhaul of the PCAB board is in order at this point. The PCAB has been a low-key yet corruption-ridden regulatory body, which, in tandem with the DPWH, has methodically punched us in the gut, providing the first of a one two punch, thus knocking out our-hard-earned tax payments," saad ni Lacson.

Samantala, nagpahayag naman ng suporta si Sen. Erwin Tulfo sa nasabing mungkahi ni Lacson at iginiit na hindi raw dapat makalusot sa imbestigasyon si dating PCAB executive director Herbert Matienzo na kakabitiw lamang sa puwesto noong Miyerkules, Setyembre 3, 2025.

Parachute ng skydiver, sumabit sa traffic light; muntik na mabigti!

KAUGNAY NA BALITA: Sa gitna ng isyu ng 'registration for sale:' PCAB direktor, nagbitiw sa puwesto!

"Bagama't inaasahan na ito, dapat siguraduhin na lahat ng mga dokumento na maaaring gamiting ebidensya tungkol sa mga hinihinalang anomalya sa flood control projects ay maitabi at maitago. Hindi rin porket nag-resign ay abswelto na! Tuloy ang imbestigasyon sa kanila kahit wala na sila sa puwesto," ani Tulfo.

Matatandaang nakuwestiyon sa imbestigasyon ng Senado at Kamara ang tila modus ng opisina ni Matienzo na “registration for sale” para sa mga umano’y construction firms na magkaroon ng legal na lisensya upang magka-operate at makakuha ng proyekto mula sa gobyerno.