Kinumpirma ni Department of Public Works and Highways (DPWH) Usec. for Planning Services Maria Catalina Cabral ang naunang pahayag ni dating DPWH Sec. Manuel Bonoan tungkol sa ghost projects ng ahensya.
Matatandaang sa unang pagdinig na ikinasa ng Blue Ribbon Committee noong Agosto 19, sinabi ni Bonoan na ghost projects umano ang ilan sa flood control projects na ipinagkaloob sa Wawao Builders, Inc sa Bulacan.
Ayon kay Bonoan, umabot umano sa ₱5.9 bilyon ang halaga ng kontratang ibinigay sa Wawao.
“In Bulacan alone, Wawao Builders had 85 projects amounting to 5.9 billion [...] There seems to be some ghost projects,” anang kalihim.
Sen. Bato, masayang nakita ang apo
Maki-Balita: DPWH Sec. Bonoan, inaming 'ghost projects' ilan sa flood-control projects ng Wawao Builders!
Kaya sa ikalawang pagdinig ng komite nitong Lunes, Setyembre 1, inusisa ni Senate President Pro Tempore Jinggoy Estrada kung totoo nga ba talagang may ghost projects.
“You believe, you support, the statement of the former Secretary [Bonoan] that, indeed, there are ghost projects?” tanong ni Estrada.
Sagot ni Cabral, “Yes po, Your Honor.”
Samantala, hindi pa matukoy ni Cabral kung sino-sino ang mga kontraktor na sangkot sa ghost projects.
“Hindi ko pa po alam dahil may nag-o-audit po . Baka po ‘yong director namin ng internal audit ang makakapagsabi po kung ano po ang resulta ng audit. Because the internal audit ng department ay directly under kay Secretary [Bonoan],” paliwanag niya.
Sa kasalukuyan, epektibo na ang resignation ni Bonoan bilang kalihim ng DPWH sang-ayon sa ibinabang anunsiyo ng Palasyo noong Linggo, Agosto 31.
Pinalitan siya ni Department of Transporation (DOTr) Sec. Vince Dizon sa binakante niyang puwesto.
Maki-Balita: PBBM, tinanggap resignation ni DPWH Sec. Bonoan
