Dumepensa ang dating Pasig City mayoral candidate na si Sarah Discaya sa lumutang na interview niya kung saan niya sinabing pumaldo umano siya sa Department of Public Works and Highways (DPWH).
Matatandaang kabilang ang dalawang kompanya ni Discaya sa listahan ng 15 contractor companies na kumamal sa flood control projects sang-ayon sa datos na inilatag ni Pangulong Ferdinand “Bongbong” Marcos, Jr.
Sa pagdinig ng Blue Ribbon Committee nitong Lunes, Setyembre 1, sinabi ni Discaya na inisplice umano ang video ng kaniyang interview nang tanungin siya tungkol dito.
'Grief and mourning are not the same!' Anak ni Enrile, may napagnilayan sa pagpanaw ng ama
Aniya, “When I said DPWH, because prior to that we were in local government. So ang hirap makasingil sa local government. They spliced the video that was taken of me and just mentioned the DPWH.”
“So, ang contractor na po kami for 23 years,” dugtong pa ni Discaya.
Ngunit tanong ni Senador Tito Sotto, “So you’re saying that the television station and the persons interviewing you edited your answers?”
“I think so, Sir,” sagot ni Discaya, “kasi I did mention that I was doing local government as well as private po.”
Nabanggit ni Discaya ang tungkol sa pagyaman nilang mag-asawa nang eksklusibo silang kapanayamin ni broadcast-journalist Julius Babao.
"Ano 'yong naging gateway para gumanda ang buhay ninyo?" tanong ni Julius.
Sagot ni Discaya, "No'ng nag-DPWH kami."
"Bale nakapasok kami do'n, nag-bid lang. At saka nagkaroon ng opportunity at ginandahan lang po namin ang gawa namin," dugtong naman ng kaniyang asawa.
Ayon kay Discaya, umaabot umano sa sampu ang proyekto nila noon sa gobyerno kada taon.
