Pumalag si Senate Blue Ribbon Committee Chairman Rodante Marcoleta sa pagsuporta ni Sen. Francis “Kiko” Pangilinan para sa isang independent committee sa imbestigasyon ng flood control project.
“Ang pagkakaintindi ko d’yan, iniinsulto niya ako. Ako naman, ayaw kong iniinsulto ako,” saad ni Marcoleta sa isang TV program noong Biyernes, Agosto 29, 2025.
Hinamon din ni Marcoleta si Pangilinan na palitan na lamang daw siya sa kaniyang posisyon bilang pinuno ng blue ribbon committee.
“Kaya kung gusto niya akong palitan, magpresenta siya at pakita niya na mas marunong siyang gumawa ng mandatong itinalaga sa committee na ‘yan,” ani Marcoleta.
'Ninakaw nila ang Pasko!' Sen. Imee, ibinalandra pulang bag na buwaya
Matatandaang kamakailan lang nang imungkahi ni Sen. Vincente “Tito” Sotto III ng isang Independent People’s Commission para sa pag-iimbestiga ng mga umano’y flood control project.
Ayon kay Pangilinan, mas mainam daw kung ito ay pamumunuan nina dating Ombudsman Conchita Carpio-Morales, dating Department of Public Works and Highways (DPWH) chief Rogelio Singson at Baguio City Mayor Benjamin Magalong.
Bunsod nito, pinuna rin ni Marcoleta ang kwalipikasyon daw nina Morales na pamunuan ang nasabing isinusulong na komite.
“Hindi ba niya alam na yung Ombudsman ay talagang katakot-takot ang korapsyon d’yan?” saad ni Marcoleta.
Dagdag pa niya, “Pare-pareho silang naglingkod sa panahon ni dating Pangulong (Noynoy Aquino). Kung kulay ang pag-uusapan dito, puro yellow na naman ‘yan.”
Payo pa ni Marcoleta, mas mainam daw na unahin na lang ni Pangilinan ang pagiging comittee chair nito sa agrikultura.
“Hindi na lamang yung committee niya ang ayusin niya kasi nagpapakadalubhasa siya na ayusin niya yung agrikultura ng ating bansa. OK ako doon.”
Maki-Balita: Lacson, pinalagan si Marcoleta: 'Kung aawayin n’ya kami, aawayin ko rin siya!'
