Nagkomento si Volleyball superstar Alyssa “The Phenom” Valdez sa naging makasaysayang pagratsada ng karera ng Pinay tennis player na si Alex Eala.
Sa panayam ng media kay Valdez noong Sabado, Agosto 30, 2025, tinawag niyang “legend” ang 20 taong gulang na tennis player.
“She's already, I would say, a legend also in our community,” ani Valdez.
Pinuri din ni Valdez ang support system ni Eala na mahalaga raw para sa karera nito.
Ranking ng Pilipinas, patuloy pagratsada sa 33rd SEA GAMES 2025
“It's just so obvious and very evident naman na napakaganda ng support system ni Alex Eala. And kitang-kita mo sa performances niya—buong-buo siya dahil buong-buo din ang suporta sa kaniya ng mga siguro, circle niya,” anang balibolista.
Dagdag pa niya, “I think that's one thing na very important right now in her career -- to have that circle. To have that support system, to keep going.”
Payo pa ni Valdez na humakot na ng 17 na most valuable player (MVP) awards sa kaniyang karera, mas mainam daw para kay Eala na makaranas ng pressure sa pagpapatuloy niya sa kaniyang kampanya.
"I think it's just so nice na this early, nararamdaman niya 'yung mga pressure. Kasi, always, always, we always say na pressure is such a huge privilege, and it will shape her,” saad ni Valdez.
“It will mold her into become someone na icon talaga, legend. Ngayon pa lang, yun na siya, so what more sa mga susunod na maipapakita niya pa para sa ating bansa.”
Hanga rin daw si Valdez sa ipinamalas ni Eala on and off the court.
“It’s so inspiring. On and off the court, she’s really my hero right now…She reignited that love and passion for sports and the community — not just in tennis or volleyball, but in sports as a whole,” anang The Phenom.
