Pinuna ni Antipolo City 1st District Rep. Ronnie Puno ang pagpo-post umano ni Leyte 4th District Rep. Richard “Goma” Gomez laban sa media practitioners sa kaniyang Facebook account.

Sa pagharap ni Puno sa media nitong Biyernes, Agosto 29, 2025, iginiit niyang dapat daw magkaroon ng ethics complaint si Goma dahil sa mga iniladlad nitong pangalan at cellphone numbers ng mga reporter.

“Yeah absolutely, absolutely. I encourage you to bring it before the ethics committee here… Hindi naman pwede yung mga ganun,” ani Puno.

Paglilinaw pa niya, “You are asked to explain something, you are a legislator, you explain. Kaya tayo naging legislator dahil ang tingin ng tao marunong tayong magpaliwanag. Tapos yung ganyan na personal na, napakalinaw na kailangan mong ipaliwanag , hindi niya gagawin.”

National

'Not admission of guilt!' Surigao Del Sur solon, nagbitiw sa bicam committee dahil sa delicadeza

Batay sa naturang FB post ni Goma, mababasa ang mga screenshots ng iba’t ibang reporter na nanghihingi ng kaniyang panig patungkol sa isyu ng flood control at alegasyong ibinabato sa kaniya ni Matag-ob Leyte Mayor Bernie Tacoy.

“Mahal din itong media spin na ginagawa nila against me. Look at the similarities of the different socmeds and agencies asking questions. Alam na alam mong merong nagkukumpas. Alam na alam mong ginastusan. Ayus ahhhh. Gastos pa more mga ungas," ani Gomez.

Paalala pa ni Puno, “Legislators--congressmen, senators, you know--we are elected into our positions by people that trust us, express their faith in what we say, express their faith in what we do and what we can do.”