Ibinida ng batikang broadcast-journalist na si Korina Sanchez-Roxas ang tropeo niya bilang "Best Magazine Show Host" sa naganap na gabi ng parangal ng 37th PMPC Star Awards for Television na ginanap sa isang hotel sa Quezon City noong Sabado, Agosto 24.
Bagama't si Korina ang best magazine show host, ang itinanghal namang "Best Magazine Show" ay “Kapuso Mo, Jessica Soho” ng GMA Network.
Noong Martes, Agosto 26, ipinakita ni Korina ang kaniyang tropeo, na hawak ng kaniyang dalawang anak na sina Pepe at Pilar.
Hindi nakadalo si Korina sa awarding ceremony dahil nagtungo siya sa Hong Kong kamakailan.
Chelsea Fernandez, inirampa Maranao Sarimanok sa Miss Cosmo 2025
"Missed the ceremony but sweet return to family —- and the icing on the cake. Thank you PMPC for the recognition," anang Korina.
Matatandaang kamakailan lamang ay nalagay sa kontrobersiya si Korina, gayundin ang isa pang beteranong broadcast journalist na si Julius Babao, matapos ang pagpapakawala ng Facebook post ni Pasig City Mayor Vico Sotto, hinggil sa ilang journalists na umano'y "nagpapabayad" para lamang sa pagpapaunlak ng isang panayam.
Matatandaang bagama't walang binanggit o tinukoy na pangalan si Sotto, pumalag naman dito sina Korina at kapwa broadcast journalist na si Julius Babao, dahil ang inilakip na larawan sa post ay screenshots ng naging magkahiwalay na panayam ng dalawa, kina Sarah at Curlee Discaya.
Sa mga nabanggit na panayam, itinampok ang naging "from-rags-to-riches" na naging buhay ng mag-asawa, nang pasukin na nila ang pagiging contractor ng Department of Public Works and Highways (DPWH).
"With these interviews again going viral, let’s look at it from a different angle…"
"Bago tanggapin ng mga kilalang journalists ang alok para mag-interview ng Contractor na Pumapasok sa Politika, hindi ba nila naisip na, “Uy teka, ba’t kaya handa ’to magbigay ng 10 million* para lang magpa-interview sa akin??”
"I know for a fact that there are many good, honest people in media who are disappointed, if not angered, at practices like this which undermine the integrity of their profession."
"In this case, maybe they didn’t do anything technically 'illegal,' but at the very least it should be considered shameful and violative of the spirit of their code of ethics. Puwede silang magtago sa grey areas: 'hindi naman journalism ito… more of lifestyle lang… kailangan kasi ng sponsor…' pero ’wag na tayong maglokohan. They rose to national prominence as broadcast journalists/news personalities; puhunan [dapat] nila ang kanilang reputasyon at kredibilidad... at sa ganitong kalakaran, ito rin ang reputasyon at kredibilidad na pinahihiram nila sa mga corrupt kapalit ng ."
"Let’s remember that corruption is systemic... it permeates into every sector of society, not just government. But we can slowly but surely break this cycle if more and more of us consistently do our part, wherever we are and whatever are position may be, one step at a time."
"(*not an exact figure pero alam nyo na)."
KAUGNAY NA BALITA: Vico Sotto, sinita mga journalist na umano'y tumatanggap ng bayad sa interview
Kaugnay nito, naglabas naman ng opisyal na pahayag ang mga producer ng programa ni Korina at pinabulaanan ang mga alegasyon ni Mayor Vico, na kaugnay sa ₱10M na tinanggap umano ng ilang mamamahayag.
“Yes, Mayor Sotto, there are payments for certain businesses such as that of the Discayas, products, personalities, companies or politicians much like payments made for advertisements — and these go to the network with an official receipt issued to the client,” saad ng programa sa isang pahayagan.
Dagdag pa nila, “There is no such thing as a P10 million placement for an interview. It is irresponsible to even say such, to say the least. As your malice is posted on Facebook and publicly besmirches the reputation of Ms. Sanchez, this clearly constitutes cyber libel.”
Anila pa, maituturong umanong “slanderous” na sabihing iresponsable ang programa dahil ang ineere lang umano nito ay ang mga bayad na interbyu.
“Who are we to presume our interviewees as evil with no basis or evidence long before they come into controversy? Are we also to presume you are guilty of overpricing the construction of government buildings just because your opponent thinks so? Are we to automatically deduce you are grandstanding at the expense of others because this is your last term and are planning to run for higher office?” dugtong pa nila.
KAUGNAY NA BALITA: Programa ni Korina, pinabulaanang tumanggap ng ₱10M sa mga Discaya; Vico, pwedeng ma-cyber libel?
Inalmahan din ni Julius Babao ang nabanggit na akusasyon at sinabing walang katotohanan ang tungkol sa nabanggit na bayaran.
KAUGNAY NA BALITA:
Samantala, sa gitna ng isyu ay ibinahagi naman ni Korina ang kaniyang "OOTD" o "Outfit of the Day" sa pagtungo niya sa Hong Kong.
"Egzoooited to meet our dear OFWs as Face to Face goes to HONGKONG! Here we come!!! Mabuhay!" aniya.
Sa comment section ay tila game namang sumagot si Koring sa mga pang-iintriga sa kaniya ng ilang netizen.
Tanong ng isang netizen, "How much is this worth?"
Sagot naman ni Korina, "Eh di P10M!"
Hirit naman ng isa, "Wow! pang 10M ang OOTD cheers!"
Pabirong sagot naman ng mamamahayag, "Excuse me. P20M ang halaga ng suot ko."
KAUGNAY NA BALITA: Korina Sanchez, nagbiro sa presyo ng OOTD niya pa-Hong Kong: 'Eh di ₱10M!'
