Pagsibak kay Torre, 'new direction' ni PBBM sa PNP

Pagsibak kay Torre, 'new direction' ni PBBM sa PNP—Remulla

Kinumpirma ni Department of the Interior and Local Government (DILG) Secretary Jonvic Remulla ang pagkakatanggal sa posisyon ni Police Major General Nicolas Torre III bilang hepe ng Philippine National Police (PNP), epektibo ngayong Martes, Agosto 26.

Sa isinagawang press conference ng DILG sa Multi-Purpose Center ng Camp Crame sa Quezon City, sinabi ni Remulla na ang pagkakasibak kay Torre ay mula sa atas ni Pangulong Ferdinand "Bongbong" Marcos, Jr. batay na rin sa inilabas na memorandum ni Executive Secretary Lucas Bersamin, na ang petsa ay noon pang Lunes, Agosto 25, 2025.

"The Palace affirms that President Ferdinand Marcos, Jr. has made a difficult but necessary decision to relieve PNP Chief Police General Nicolas Torre IIIof his duties," anang Remulla.

"The President believes that his national security apparatus must always work within the framework of the law," aniya pa.

Matapos daw ilahad sa Pangulo ang iba't ibang facts, naniniwala raw si PBBM na dapat daw panatilihin ang duty ng Napolcom, na kung matatandaan, ay naging kontrobersiyal matapos sibakin ni Torre ang ilang mga opisyal nito.

Bilang resolusyon, ang naging hakbang daw ni PBBM ay alisin sa puwesto si Torre.

"This was not an easy choice, but it was made in the national interest, the President is committed to ensuring an unified direction and collaboration across all areas in his Cabinet," saad pa ni Remulla.

Samantala, binigyang-linaw naman ni Remulla na walang nilabag na batas si Torre. Nilinaw rin niyang wala siyang kinalaman sa pagkakatanggal kay Torre, at ito ay batay na rin sa "new direction" na nais ni PBBM sa PNP.

"He did not violate any laws,” sabi ni Remulla. “He has not been charged with any violation. He's not been charged criminally. It is simply a choice of the President to take the redirection for the PNP.”

Gayunman, ayon sa kalihim, kinokonsidera umano si Torre para sa isang bagong posisyon sa pamahalaan.

“The President still believes in his capacity, in his organizational strength, and his vast experience in the service,” ani Remulla.

Pinalitan naman si Torre ni Police Lieutenant General Jose Melencio Nartatez Jr. bilang bagong hepe ng pulisya.

Truly blessed! VP Sara, thankful sa mga DDS na alam ang paninira at katotohanan

Nagpahayag ng pasasalamat si Vice President Sara Duterte para sa mga tagasuporta na patuloy pa rin ang paniniwala sa kaniya.Sa isang video na ibinahagi ng Facebook page na kilalang tagasuporta ng pamilya Duterte sa The Hague, Netherlands na Alvin and Tourism nitong Sabado, Disyembre 13, 2025, iginiit ni VP Sara na masyado raw siyang blessed dahil sa mga taga-suporta.“I thank you for your...

Empleyadong sapilitang pinapasayaw sa Christmas party, puwedeng magreklamo—DOLE

Puwedeng magreklamo ang isang empleyado kung siya ay sapilitang pinapasayaw sa Christmas party, ayon sa Department of Labor and Employment (DOLE).Sa isang pahayag noong Biyernes, Disyembre 12, sinabi ng DOLE na may karapatan ang mga manggagawa na magsampa ng reklamo sa ahensya kung sapilitan silang pinapasayaw o pinapasali sa anumang aktibidad na sa tingin nilang ipinagbabawal o hindi nararapat...

TNVS drivers, bibigyan pa rin ng pagkakataon magpaliwanag bago patawan ng penalty–LTFRB Chairman Mendoza

Nilinaw ni Land Transportation Franchising and Regulatory Board (LTFRB) Chairman Atty. Vigor D. Mendoza II na habang naglabas sila ng Memorandum Circular na magpapataw ng multa sa Transport Network Vehicle Service (TNVS) drivers na magca-cancel ng booking trips ng mga pasahero, bibigyan pa rin nila ng pagkakataon magpaliwanag ang mga ito bago sila magpataw ng penalty. “Kung justified naman po...