Tila inilaglag ni Chad Kinis ang kaibigan at kapuwa komedyanteng si MC Muah patungkol sa ginastos nito para sa isang lalaki.
Sa latest episode kasi ng online game show na “Ang Tanong” noong Biyernes, Agosto 22, nausisa ni Ultimate Multimedia Star Toni Gonzaga kung sino ang bobong miyembro ng “Beks Battalion,” ang grupo nina MC, Chad, at Lassy.
“Ang pinakabobo talaga sa amin [sa pag-ibig], si MC. Biruin mo, ha. Binilhan niya ng bahay ‘yong lalaki. ₱2.4 million sa may Las Piñas, sa may Moonwalk. Tapos siya nangungupahan,” sabi ni Chad.
“Hindi,” depensahan ni MC. “Ang tawag do’n, kawanggawa.”
Balik-Channel 2! Kapamilya top shows, mapapanood na sa ALLTV simula 2026
Sundot naman ni Lassy, “Ang tawag do’n, para kang Labubu. ‘Yong manika, ‘yong mga cute na manika, kasi nga relasyon niya, nagmahal, nasaktan, nagpautang, iniwan, ta’s binalikan. Luh, bobo!”
Hindi tuloy naiwasan ni MC na gumanti sa kaibigan. Binuking din niya ang umano’y pagpapa-Boracay ni Lassy sa pamilya ng lalaki nito na dinaig pa umano ang team building sa dami ng imbitado.
“Pagdating, siya lang ang dumating sa Boracay,” tsika ni MC.
