Isang espesyal na proyekto ang iniluluto ni First Lady Liza Araneta-Marcos kasama ang mga ehekutibo ng GMA at ABS-CBN para sa Philippine entertainment.
Sa social media account ng First Lady kamakailan, kinilala nito ang talento dala ng mga artista sa bansa.
“Cooking up something exciting for the Philippine entertainment scene. Our homegrown talents? They inspire, unite, and keep the whole country smiling. Ang galing talaga ng Pinoy!," saad ng Araneta-Marcos.
Ang pagpupulong para sa proyekto ay dinaluhan nina GMA Senior Vice President Atty. Annette Gozon-Valdes, Sparkle First Vice President & Head Ms. Joy Marcelo, ABS-CBN President & CEO Mr. Carlo Katigbak, at ABS-CBN COO Ms. Cory Vidanes.
‘Totoo na!’ Kiray Celis, kinasal na!
Hindi rin lingid sa kaalaman ng publiko ang pagsuporta ng First Lady sa film industry ng bansa.
Sa talumpati nito Manila International Film Festival (MIFF) sa Makati noong Nobyembre 2024, ibinahagi nito na isa sa paraan para matulungan ang mga pelikulang Pinoy ay ang pagpapakilala rito sa buong mundo.
"The best way to help the movie industry is to tell the world that Filipinos are good, we're talented," aniya.
Ayon pa sa maybahay ni Pangulong Bongbong Marcos Jr., mahalagang pataasin ang kamalayan ng mga Pilipino sa malikhaing industriya ng bansa dahil ito ang magiging susi para mas makilala ang mga Pinoy filmmaker sa abroad.
"There are so many prestigious film festivals across the globe, here in the Philippines, we have the Metro Manila Film Festival and the Manila International Film Festival (MIFF), the key is for industry stakeholders to come together, discuss, and explore ways to uplift the local film industry. It's really about awareness and education," saad nito.
Sean Antonio/BALITA
