Pumalag si House Speaker Martin Romualdez sa naging desisyon ng Senado na i-archived na ang impeachment ni Vice President Sara Duterte habng hinihintay ang pinal na desisyon ng Korte Suprema.

Sa pahayag na inilabas ni Romualdez nitong Huwebes, Agosto 7, 2025, tahasan niyang iginiit na ang pag-archived daw ng impeachment ay siyang pagkitil na rin dito.

"To archive is, in effect, to bury the Articles of Impeachment. Yet the ruling of the Supreme Court is not final," ani Romualdez.

Paglilinaw pa ni Romualdez, hindi raw minadali ng House of Representatives ang pagsusumite ng impeachment complaints at pag-iimpeach nila kay VP Sara, taliwas sa ginawa umanong agarang pagkitil dito sa Senado kahit nakabinbin ang motion for reconsideration ng Kamara sa Supreme Court (SC).

National

Dating DPWH Usec. Cabral, pumanaw matapos mahulog umano sa bangin

"Let’s be clear: The filing of the complaint was not rushed. What was rushed—remarkably—was its burial," anang House Speaker. 

Pagtitiyak pa ni Romauldez, "This moment will be remembered. And when it is, we hope it will be said, 'That the House stood its ground. That we honored our constitutional duty. That we acted not fourselves, but for the Filipino people,.'

Noong Miyerkules, Agosto 6 naman nang tuluyang ikinasa ng Senado ang motion to archive sa impeachment ni VP Sara, kung saan nakatakda na lamang daw nilang buhayin ang impeachment kung sakaling magkaroon ng pagbabago sa magiging desisyon ng SC.

KAUGNAY NA BALITA: Sino-sino 19 senators na aprub sa pag-archive ng impeachment ni VP Sara?

Kasalukuyang nakabinbin ang motion for reconsideration ng Kamara sa SC kung saan inaasahang magbabago pa umano ang desisyon ng naturang Korte mula sa kanilang naunang desisyon nang ideklara nilang labag sa Konstitusyon ang naging proseso ng impeachment mula sa Kamara.

KAUGNAY NA BALITA: VP Sara, ‘di pa rin lusot sa mga kaso kahit ‘unconstitutional’ ang articles of impeachment—SC

“The SC has ruled that the House impeachment complaint versus VP Sara Duterte is barred by the one-year rule and that due process or fairness applies in all stages of the impeachment process,” saad ng nasabing desisyon.