Naglabas ng opisyal na pahayag si Vice President Sara Duterte hinggil sa ikaapat na impeachment case niya na napagdesisyunan ng Korte Suprema na "unconstitutional."
Sa inilabas na opisyal na pahayag ngayong Miyerkules, Hulyo 30, unang nagpasalamat si VP Sara sa kaniyang defense team na nanatili raw nakatayo sa kaniyang tabi.
Sumunod, nagpasalamat siya sa mga petitioners na naniwalang may "pang-aabusong" naganap sa House of Representatives kaugnay sa kaniyang impeachment case.
Binanggit din ni VP Sara ang iba pang mga nagsalita laban dito, at sa lahat ng mga nagdasal para sa kaniya.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Iginiit din ng VP na deserve ng bansa ang mas mainam, kaya panatilihin ang pantindig, lakas, at pagiging resilient laban sa mga lider na sakim, na magpapabagsak daw sa bansa.
"I extend my heartfelt gratitude to the members of the Defense Team for taking on my case, even when no one else was willing to stand by me."
"Thank you to the Petitioners of G.R. No. 278359 for having the conviction to challenge the abuses of the House of Representatives."
"To those whose voices rang out in dissent against persecution — thank you. Your courage to speak the truth has been a source of strength."
"And to the parents, children, and silent supporters who offered their prayers for justice — thank you. Your quiet faith lifts me up.
Our country deserves better, and we shall stand tall, strong, and resilient against leaders whose greed will bring down our homeland. We deserve better."
"Mahalin natin ang Pilipinas — para sa Diyos, bayan at bawat pamilyang Pilipino. Daghang salamat," aniya pa.
KAUGNAY NA BALITA: VP Sara, naglabas ng pahayag sa desisyon ng SC sa impeachment niya
Noong Hulyo 25, lumabas ang desisyon ng Korte Suprema kung saan idineklara nito na "unconstitutional" ang articles of impeachment laban sa bise presidente.
Bukod dito, iginiit din na walang hurisdiksyon ang Senado sa impeachment proceedings at sa Pebrero 2026 pa muling maaaring mag-file ng impeachment cases laban sa Bise Presidente.
KAUGNAY NA BALITA: Impeachment court, 'di na kailangang mag-convene—Escudero
Sa kabilang banda, nilinaw ng SC na hindi pa rin lusot ang Pangalawang Pangulo sa mga kasong maaaring ihain laban sa kaniya.
"However, the Court said that it is not absolving Vice President Duterte from any of the charges against her,” anang SC.
KAUGNAY NA BALITA: VP Sara, ‘di pa rin lusot sa mga kaso kahit ‘unconstitutional’ ang articles of impeachment—SC
