Pinalakpakan ni reelected Leyte 1st District Rep. at House Speaker Martin G. Romualdez ang pamumuhunan ni Pangulong Ferdinand “Bongbong” Marcos, Jr. para sa kinabukasan ng Pilipinas.
Naiselyo na kasi ang higit $21 bilyon para sa investment pledges at ang $63 milyon namang salapi para sa development assistance matapos ang pagbisita ng pangulo sa Amerika noong Hulyo 20.
MAKI-BALITA: PBBM, nasa Washington, D.C na!
Kaya naman sa pahayag na inilabas ni Romualdez nitong Sabado, Hulyo 26, sinabi niyang malinaw na patunay daw ang lahat ng ito sa pangako ng pangulo na makaakit ng long term capital na ang makikinabang ay mga Pilipino.
Political scientist sa pagtatago umano ni Bato: 'Napakaduwag!'
“These commitments are clear proof that President Marcos is doing what it takes to attract long-term capital that will translate into real benefits for our people—more jobs, more infrastructure, and more opportunities for every Filipino family,” saad ni Romualdez.
Bukod dito, binigyang-diin rin ni Romualdez ang pagsisikap ni Marcos na palakasin ang pakikipag-alyansa ng Pilipinas sa Amerika.
Aniya, “The President has made it clear that the Philippines is open for business—and the world is responding positively.”
“These investment commitments are the result of consistent leadership, credibility, and the country’s improving economic fundamentals,” dugtong pa ng kongresista.
Samantala, kinondena naman ng Kabataan party-list ang pakikipagsundong ito ng pangulo sa Amerika dahil anila’y hindi maituturing na kawanggawa ang pagtulong ng Amerika sa sandatahang lakas ng Pilipinas.
MAKI-BALITA: Kabataan, kinondena pakikipagkasundo ni PBBM sa US: ‘Huwag tayo magpaloko!’
