Ipinakilala na ng Palasyo ang ikalimang Presidential Communications Office (PCO) Secretary sa ilalim ng administrasyon ni Pangulong Bongbong Marcos, Jr.
Itinalaga ni PBBM bilang bagong PCO chief si Dave Gomez, ayon kay Palace Press Officer Claire Castro nitong Huwebes, Hulyo 10, sa kaniyang press briefing.
Si Gomez ay nagsilbing senior reporter, director-general ng Philippine Information Agency, at communications director ng PMFTC Inc.
"Secretary Dave will ensure clear and truthful government messaging for every Filipino," saad ni Castro.
DPWH Sec. Dizon, positibong hindi na mauulit mga dating gawi sa ahensya
Samantala, papalitan ni Gomez si Jay Ruiz na itinalaga naman bilang member of the board of director ng Manila Economic Cultural Office sa Taiwan.
"We look forward to their leadership as we strengthen government communications and secure our country's energy needs under bagong Pilipinas," saad ni Castro.
Bago si Gomez at Ruiz, naging PCO chief din ng administrasyong Marcos sina Cesar Chavez, Cheloy Garafil, at Trixie Cruz Angeles.
