Hinirang ni Pope Leo XIV si Bro. Armin Luistro bilang bagong miyembro ng Dicastery for the Institutes of Consecrated Life and the Societies of Apostolic Life.
Si Luistro ay isang La Salyano at dating Department of Education (DepEd) Secretary sa ilalim ng administrasyon ng noo’y Pangulong Benigno “Noynoy” Aquino III.
Sa isang Facebook post ng La Salle Global nitong Miyerkules, Hunyo 25, inanunsyo nila ang pagkakatalaga kay Luistro sa Vatican dicastery na magsisilbing katuwang ng Santo Papa sa pangangasiwa ng Simbahang Katolika.
“This appointment is a clear sign of the synodal path that we, as Lasallians, are called to walk in communion with the Church,” saad ng La Salle Global.
Japan, niyanig ng magnitude 6.7 na lindol; tsunami advisory, inisyu
Dagdag pa nila, “We extend our best wishes to Brother Armin in this new mission, trusting that his service will be a valuable contribution to the entire consecrated life of the Church.”
Layunin ng dicastery na isulong, hikayatin, at isaayos ang pagsasanay ng mga evangelical counsel kung paano mabuhay sang-ayon sa itinalaga ng Societies of Apostolic Life.
Matatandaang nagsimula itong itinatag ni Pope Sixtus V noong Mayo 1586 at unang tinawag bilang “Sacra Congregatio super consultibus regularium.”
