Pinangunahan nina Manila Mayor Honey Lacuna at Vice Mayor Yul Servo ang pagbibigay ng parangal at pagkilala sa mga natatanging Manileño na nakapag-ambag sa pag-unlad ng lungsod.

Isinagawa ang pagpaparangal sa mga naturang Outstanding Manilans sa idinaos na ‘Gawad Manileño 2025’ noong Hunyo 20, na bahagi ng pagdiriwang ng ika-454 taong anibersaryo ng 'Araw ng Maynila' ngayong Martes, Hunyo 24.

“Binibigyang halaga natin at pinararangalan ang iba’t-ibang indibidwal at mga samahan na nagpamalas ng galing at husay sa kanilang larangan at nagsilbing mabuting halimbawa at inspirasyon sa ating mga kababayan. Sila ang mga itinuturing nating mga Modelong Manilenyo,” ayon kay Lacuna.

Nabatid na kabilang sa awardees bilang Outstanding Taxpayers ang International Container Terminal Services, Inc., Mercury Drug Corporation, Asian Terminals, Inc., China Harbour Engineering Co., Manila North Harbour Port, Inc., Puregold Price Club, Inc., SM Prime Holdings, Inc., Philippine Seven Corporation Group at Maynilad Water Services, Inc. at Philippine Chinese Charitable Association Inc. na kinatawan ng board chairman nito na si Antonio Tan Antonio Tan, kasama ang pangulo ng Chinese General Hospital at CEO na si Kelly Sia, Vice President Juanito Ang,  Associate Medical Director for Charities and Missions and Eye Center head Dr. George Go, Jr., at Medical Director Dr. Samuel Ang.

Metro

Manila Water, Maynilad, raratsada ng dagdag-singil sa 2026

Kinilala naman bilang Outstanding taxpayers for real property ang Asian Terminal, Inc., Manila North Harbour Port, Inc., International Container Terminal Services, Inc., Megaworld Corporation,  SM Prime Holdings, Inc., Robinsons Group of Companies, Petron Corporation, San Lazaro Holdings Corporation and SM Synergy Properties, Holding Corp., Philippine Foremost Milling Corp. La Filipina Uy Gongco Corporation at San Miguel Group Of Companies.

Samantala, pinarangalan bilang Outstanding Employers dahil sa pagbibigay ng job opportunities para sa mga Manilenyo ang Jolly Management Solutions, Inc.,  Arha Manpower Service, Sanford Marketing Corporation (SM Savemore), Fieldmen Janitorial Services Corporation at Topserve Service Solutions, Inc.

Binigyan naman ng papuri bilang Outstanding Manilan in the field of socio-civic work ang United Architects of the Philippines, Inc. Regional District B - 1.

 Kabilang din sa mga pinarangalan sa aktibidad ang mga sumusunod:

Natatanging Manileño sa Larangan ng Kapakanan at Pagpapaunlad Ng Kabataan - Ymari Kristia Pascua
Natatanging Manileño sa Larangan ng Mga Gawaing Pambarangay - PB Rutchie Atienza
Natatanging Manileño sa Larangan ng Mga Isport - Coach Haydee Ong
Natatanging Manileño sa Larangan ng Kultura at Sining - Dr. Michael Charleston “Xiao” Chua
Natatanging Manileño sa Larangan ng Pag-Arte at Pelikula - Eva Darren
Natatanging Manileño sa Larangan ng Mataas na Edukasyon - Dr. Michael Tee
Natatanging Manileño sa Larangan ng Mababang Edukasyon - Amcy Esteban
Natatanging Manileño sa Larangan ng Inobasyon, Agham, At Teknolohiya - Reynaldo Zaragosa Lachica
Natatanging Manileño sa Larangan ng Pampublikong Kalusugan - Dra. Merle D. Sacdalan - Faustino
Natatanging Manileño sa Larangan ng Pagpapatupad Ng Kapayapaan At Kaayusan - PLTCOL Cristito Villaruel Acohon
Natatanging Manileño sa Larangan ng Panghukuman - Hon. Tammy Ann Reyes – Mendillo, Presiding Judge RTC Branch 22, Manila
Natatanging Manileño sa Larangan ng Serbisyo ng Pag-Uusig - Prosecutor Lester Jay Alan Flores II
Natatanging Manileño sa Larangan ng Pampubliko At Pribadong Pagsasanay ng Batas - Atty. Kriden F. Balgomera
Gawad Rajah Sulayman - Fatima Hequilan ng Justice Jose Abad Santos General Hospital
Gawad Gat Andres Bonifacio - Ambassador Francis Chua ng Association of Philippines-China Understanding (APCU).