ALAMIN: Saan puwedeng humingi ng tulong ang OFWs sa Iran, Israel?

By Ralph Mendoza

June 15, 2025

In BALITA Internasyonal

Nagbaba ng abiso ang Department of Migrant Workers (DMW) para matulungan ang mga Overseas Filipino Worker (OFW) na naiipit sa tumitinding tensyon sa Middle East.

Matatandaang naglunsad ang Israel ng malawakang pag-atake sa Iran noong Biyernes, Hunyo 13, na pinangangambahang maging mitsa ng mapanganib na digmaan sa rehiyon.

Sa latest Facebook post ng DMW noong Sabado, Hunyo 14, inisa-isa nila ang mga emergency hotline na puwedeng tawagan para sa agarang tulong at impormasyon. Narito ang sa Middle East hotline.

24/7 DMW-OWWA Hotline (Pilipinas): 1348

Kung nasa abroad: +63 2 1348

Viber / WhatsApp (tawag o text):

• +63 908 326 8344

• +63 927 147 8186

• +63 920 517 1059

Samantala, ang mga sumusunod naman ay hotline ng embahada ng Pilipinas at Migrant Workers’ Offices sa Israel, Lebanon, at Jordan.

ISRAEL

• Embahada sa Tel Aviv: +972 54 466 1188

• MWO: +972 50 762 2590

• OWO: +972 50 715 6937

LEBANON

• Embahada sa Beirut: +961 70 858 086

• MWO: +961 79 110 729

JORDAN

• Embahada sa Amman: +962 7 7907 7775 ; +962 7 7721 9000

• MWO: +962 7 8149 1183 / +962 7 8519 1891

Hinikayat ng ahensya na manatili muna sa loob ng kani-kanilang bahay ang mga OFW sa mga nasabing bansa at manatiling konektado sa kanilang opisina. Nakiusap din silang iwasan ang pagbabahagi ng mga impormasyong hindi kumpirmado.

Sa huli, tiniyak ng DMW ang kaligtasan ng bawat isang OFW sa pamamagitan ng patuloy na pagtutok sa sitwasyon kasama ang ibang ahensya tulad ng Department of Foreign Affairs (DFA), Department of National Defense (DND), at Overseas Workers Welfare Administration (OWWA).

Lalaking nagpunta sa India para sa abo ng pumanaw na misis, kasama sa plane crash; 2 anak, naulila!

Dalawang batang magkapatid ang naulila matapos makasama ang kanilang ama sa mga pasaherong nasawi sa pagbagsak ng Air India plane noong Hunyo 12, 2025.Ayon sa ulat ng ilang international media outlets, kinilala ang biktima na si Arjun Patoliya na pumunta lamang sa India upang tuparin ang hiling ng kaniyang namayapang asawa na isaboy ang abo nito sa isang lugar sa India. Ilang linggo matapos...

DSWD, ‘to the rescue' sa viral PWD na kinuyog sa EDSA carousel

Binisita na ng Department of Social Welfare and Development (DSWD) ang viral na lalaking may kapansanan sa pag-iisip na kinuyog sa EDSA carousel.Ayon sa ulat ng Manila Bulletin nitong Linggo, Hunyo 15, 2025, binisita ng Crisis Intervention Unit of the DSWD-Central Office ang kinaroroonan ng biktima noong Sabado, Hunyo 14 sa San Jose Del Monte, Bulacan upang alamin ang tulong na maaari nilang...

FL Liza, mga anak nagpaabot ng pagbati kay PBBM sa Father’s Day

Nagpaabot ng kani-kanilang pagbati ngayong Father’s Day ang presidential sons na sina Sandro, Simon, at Vincent para sa ama nilang si Pangulong Ferdinand “Bongbong” Marcos, Jr.Sa video statement na ibinahagi ng pangulo nitong Linggo, Hunyo 15, unang nagbigay ng mensahe si Vincent para magpasalamat.Anito, “Happy father’s day, pop.Thanks for being there for me and thanks for being someone...