Sey ng Palasyo, tambalang ‘Sara-Imee’ sa 2028, gamitan lang?

By Kate Garcia

June 13, 2025

In BALITA

Sumagot ang Malacañang sa umano’y nakaambang tambalan nina Vice President Sara Duterte at Senador Imee Marcos para sa susunod na halalan sa 2028.

Sa press briefing nitong Lunes, Hunyo 13, 2025, diretsahang nilinaw ni Palace Press Undersecretary Claire Castro na walang kinalaman si Pangulong Ferdinand “Bongbong” Marcos, Jr., sa nilulutong “Sara-Imee” tandem.

“Walang kinalaman ang Pangulo sa kontratang kanilang [VP Sara, Sen. Imee] pinasukan,” saad ni Castro.

Dagdag pa niya, “Isang tao na manggagamit at isang tao na willing magpagamit.”

Matatandaang kay Senador Robin Padilla nagmula ang nasabing tambalang Sara-Imee matapos niyang ihayag na siya raw ang tatayong campaign manager ng dalawa kasama ang mga magiging senador nito.

“'Si Robin Padilla, sa 2028—campaign manager ako ni Inday Sara Duterte at ni Imee Marcos, at siyempre, ng mga senador nila," anang senador sa kaniyang talumpati sa Kuala Lumpur, Malaysia noong Huwebes, Hunyo 12.

Samantala, sa kaniyang talumpati rin sa Malaysia nagpahiwatig si VP Sara hinggil sa nasabing tambalan nila ng senadora matapos niyang igiit na si Sen. Imee na raw ang magpapabalik sa bansa kay dating Pangulong Rodrigo Duterte na nakadetine sa International Criminal Court (ICC) sa The Hague, Netherlands.

"Inimbita ko si Se. Imee Marcos kung saan man ako pumupunta, dinadala-dala ko siya. Kasi sinasabi ko sa kaniya, hindi ako ang magbabalik kay dating Pangulong Duterte sa Pilipinas, dahil ang kapatid mo ang nagpadala sa kaniya sa Hague, ikaw ang magbabalik sa kaniya sa Pilipinas," saad ng Pangalawang Pangulo.

KAUGNAY NA BALITA: VP Sara 'hostage' si Sen. Imee, kailangang ibalik sa Pinas si FPRRD

Eastern Police District, nakaantabay na sa pagbubukas ng klase sa June 16

Nasa 535 tauhan ng Eastern Police District (EPD) ang nakaantabay na upang magbigay seguridad sa nakatakdang pagbubukas ng klase sa mga pampublikong paaralan sa eastern metro sa Lunes, Hunyo 16.Ayon kay EPD Director PBGEN Aden Lagradante, ang mga naturang pulis ang titiyak sa kaligtasan at kaayusan sa Metro East at siya ring tutulong sa mga estudyante, mga magulang at mga guro sa pagbubukas ng...

Pasaherong PWD pinagbubugbog, sinakal sa loob ng bus

Pinag-uusapan ngayon sa social media ang isang video kung saan pinagbubugbog, pinagsisipa, at sinakal ang isang umano'y lalaking person with disability (PWD) habang nasa loob ng isang bus na bumabagtas sa kahabaan sa EDSA.Sa isang 1:30 minutong video na ipinost noong Hunyo 10 sa social media, makikitang nakaupo ang umano'y PWD, na nakasuot ng puting damit, sa pinakalikod ng bus habang...

‘Guilty na, pinagmulta pa?’ Cebu Gov. Gwen Garcia, ‘bingo’ sa Ombudsman!

Pinatawan ng guilty of indirect contempt si outgoing Cebu Governor Gwendolyn Garcia matapos siyang hindi bumaba sa puwesto noong siya ay sinuspinde ng Ombudsman.Bukod sa pagiging guilty, pinagmumulta rin ng Ombudsman si Garcia ng tinatayang ₱30,000 matapos ang hindi niya pagsunod sa ipinataw sa kaniyang preventive suspension order noong Abril 23, 2025.“Wherefore, for defying the Preventive...