VP Sara 'hostage' si Sen. Imee, kailangang ibalik sa Pinas si FPRRD

By Richard De Leon

June 12, 2025

In BALITA National

May biro si Vice President Sara Duterte patungkol kay Sen. Imee Marcos, na kasama niyang dumalo sa pagdiriwang ng ika-127 anibersaryo ng Araw ng Kalayaan, sa piling ng mga OFW sa Kuala Lumpur, Malaysia.

Sa talumpati ni VP Sara, pabiro niyang sinabing kaya lagi niyang kasama si Sen. Imee ay dahil "hostage" niya ito at kailangang ibalik sa Pilipinas si dating Pangulong Rodrigo Duterte na nakadetine sa International Criminal Court (ICC) detention facility sa The Hague, Netherlands.

Tutal naman daw, ang nagpadala kay FPRRD sa The Hague ay kapatid niyang si Pangulong Ferdinand "Bongbong" Marcos, Jr.

"Inimbita ko si Se. Imee Marcos kung saan man ako pumupunta, dinadala-dala ko siya. Kasi sinasabi ko sa kaniya, hindi ako ang magbabalik kay dating Pangulong Duterte sa Pilipinas, dahil ang kapatid mo ang nagpadala sa kaniya sa Hague, ikaw ang magbabalik sa kaniya sa Pilipinas," saad ng Pangalawang Pangulo habang naghihiyawan naman ang mga tao ng "Bring Him Home!"

"Kaya dala-dala ko 'yan siya lagi, kahit saan ako pumunta... para siyang naka-hostage," saad pa ng Pangalawang Pangulo, dahil kahit saan daw siya magpunta, kahit bata raw, ay sinasabihan siyang ibalik o iuwi sa Pilipinas ang tatay niya.

"Bibitawan ko lang 'yan siya kapag ang dating Pangulong Duterte ay nabalik na sa Davao City," giit pa niya.

Matatandaang isa ang senadora sa 18 senador na sumang-ayong ibalik sa House of Representatives ang Articles of Impeachment ni VP Sara.

Tutol din ang senadora sa nangyaring pagdakip sa dating pangulo, at sa katunayan, ay nagsagawa pa ng senate committee hearing patungkol dito.

Samantala, wala namang reaksiyon, tugon, o pahayag si Sen. Imee tungkol dito.

KAUGNAY NA BALITA: VP Sara kasama sina Sen. Robin, Sen. Imee sa Malaysia

Eastern Police District, nakaantabay na sa pagbubukas ng klase sa June 16

Nasa 535 tauhan ng Eastern Police District (EPD) ang nakaantabay na upang magbigay seguridad sa nakatakdang pagbubukas ng klase sa mga pampublikong paaralan sa eastern metro sa Lunes, Hunyo 16.Ayon kay EPD Director PBGEN Aden Lagradante, ang mga naturang pulis ang titiyak sa kaligtasan at kaayusan sa Metro East at siya ring tutulong sa mga estudyante, mga magulang at mga guro sa pagbubukas ng...

Pasaherong PWD pinagbubugbog, sinakal sa loob ng bus

Pinag-uusapan ngayon sa social media ang isang video kung saan pinagbubugbog, pinagsisipa, at sinakal ang isang umano'y lalaking person with disability (PWD) habang nasa loob ng isang bus na bumabagtas sa kahabaan sa EDSA.Sa isang 1:30 minutong video na ipinost noong Hunyo 10 sa social media, makikitang nakaupo ang umano'y PWD, na nakasuot ng puting damit, sa pinakalikod ng bus habang...

‘Guilty na, pinagmulta pa?’ Cebu Gov. Gwen Garcia, ‘bingo’ sa Ombudsman!

Pinatawan ng guilty of indirect contempt si outgoing Cebu Governor Gwendolyn Garcia matapos siyang hindi bumaba sa puwesto noong siya ay sinuspinde ng Ombudsman.Bukod sa pagiging guilty, pinagmumulta rin ng Ombudsman si Garcia ng tinatayang ₱30,000 matapos ang hindi niya pagsunod sa ipinataw sa kaniyang preventive suspension order noong Abril 23, 2025.“Wherefore, for defying the Preventive...