Bakit ba hindi nagsuot ng impeachment robes ang mga senador na ito?

By Richard De Leon

June 11, 2025

In FEATURES Human-Interest

Tatlong senador ang naispatang hindi nagsuot ng kanilang impeachment robes nang manumpa ang mga senador bilang senator-judges, sa pag-convene nila bilang Senate Prosecution Court nitong Martes, Hunyo 10, 2025.

Sa pangunguna ni Senate President Chiz Escudero, isinagawa ng mga senador ang kanilang oath-taking habang nakasuot ng impeachment robes, simbolo na ang Senado ay isa nang ganap na hukuman ng impeachment, na alinsunod sa Saligang-Batas, ay dapat lumitis kay Vice President Sara Duterte.

Ngunit sina Senator-judges Robin Padilla, Cynthia Villar, at Imee Marcos ay hindi nagsuot ng kanilang impeachment robes.

Si Padilla ay nagpaliwanag kay Escudero na bagama't nanumpa siya, ay may mga "reserbasyon" pa. Hindi niya lubos na ipinaliwanag kung ito ba ang dahilan kung bakit hindi siya nagsuot ng roba.

Ipinaliwanag din ni Marcos ang kaniyang panig kaugnay ng panunumpa.

"I make this oath ad cautelam without prejudice to the resolution of the jurisdictional issue as well as issues pertaining to the validity of the impeachment complaint or to the filing thereof if any," aniya.

Si Villar naman, nang ma-ambush interview ng media, ay may maikling sagot tungkol dito. Aniya, wala raw nagawang impeachment robe para sa kaniya.

Noong Marso 2025, sinabi ni Sen. Alan Peter Cayetano na nagsimula na silang magpasukat ng gagamitin nilang roba para sa impeachment trial, bilang mga senator-judge.

Nagsimula ang pagsusuot ng impeachment robe sa rekomendasyon ng pumanaw na si Sen. Miriam Defensor Santiago, nang maging hukom siya sa International Criminal Court (ICC), upang mas maging pormal daw silang tingnan. Velvet red naman ang kulay ng robes, dahil ito raw ang opisyal na kulay ng Senado.

KAUGNAY NA BALITA: Botong 18-5: Sino-sino Senator-judges na aprub, tutol sa mosyon nina Dela Rosa, Cayetano?

Lalaking nagpunta sa India para sa abo ng pumanaw na misis, kasama sa plane crash; 2 anak, naulila!

Dalawang batang magkapatid ang naulila matapos makasama ang kanilang ama sa mga pasaherong nasawi sa pagbagsak ng Air India plane noong Hunyo 12, 2025.Ayon sa ulat ng ilang international media outlets, kinilala ang biktima na si Arjun Patoliya na pumunta lamang sa India upang tuparin ang hiling ng kaniyang namayapang asawa na isaboy ang abo nito sa isang lugar sa India. Ilang linggo matapos...

DSWD, ‘to the rescue' sa viral PWD na kinuyog sa EDSA carousel

Binisita na ng Department of Social Welfare and Development (DSWD) ang viral na lalaking may kapansanan sa pag-iisip na kinuyog sa EDSA carousel.Ayon sa ulat ng Manila Bulletin nitong Linggo, Hunyo 15, 2025, binisita ng Crisis Intervention Unit of the DSWD-Central Office ang kinaroroonan ng biktima noong Sabado, Hunyo 14 sa San Jose Del Monte, Bulacan upang alamin ang tulong na maaari nilang...

FL Liza, mga anak nagpaabot ng pagbati kay PBBM sa Father’s Day

Nagpaabot ng kani-kanilang pagbati ngayong Father’s Day ang presidential sons na sina Sandro, Simon, at Vincent para sa ama nilang si Pangulong Ferdinand “Bongbong” Marcos, Jr.Sa video statement na ibinahagi ng pangulo nitong Linggo, Hunyo 15, unang nagbigay ng mensahe si Vincent para magpasalamat.Anito, “Happy father’s day, pop.Thanks for being there for me and thanks for being someone...