De Lima, pinababantayan galaw ng Senado vs impeachment trial ni VP Sara

By Nicole Therise Marcelo

June 10, 2025

In BALITA National

Matapos ang panunumpa ni Senate President Francis "Chiz" Escudero bilang presiding officer ng impeachment court, sinabi ni ML Partylist 1st nominee Leila De Lima na dapat pa rin bantayan umano ang galaw ng Senado.

Noong Lunes, Hunyo 9, nang manumpa si Escudero bilang presiding officer para sa impeachment trial ni Vice President Sara Duterte, na sisimulan sa Miyerkules, Hunyo 11.

Sa kabila nito, sinabi ni De LIma na dapat pa ring maging mapagbantay lalo na raw sa "mistulang style tingi-tingi ng Senado sa impeachment trial."

"Kailangan pa rin nakabantay. Vigilance is still a must, lalo na sa mistulang style tingi-tingi ng Senado sa impeachment trial," saad niya sa isang X post nitong Martes, Hunyo 10.

Dagdag pa niya, "Baka sa dulo ng suspense na ito ay isang impakto dismissal."

Samantala, sa pahayag ng defense team ni VP Sara, iginiit nilang nakahanda raw silang harapin ang lahat ng mga walang batayang alegasyong ibinabato sa Pangalawang Pangulo.

BASAHIN: Defense team ni VP Sara, handang makipagkomprontahan sa Senado!

Eastern Police District, nakaantabay na sa pagbubukas ng klase sa June 16

Nasa 535 tauhan ng Eastern Police District (EPD) ang nakaantabay na upang magbigay seguridad sa nakatakdang pagbubukas ng klase sa mga pampublikong paaralan sa eastern metro sa Lunes, Hunyo 16.Ayon kay EPD Director PBGEN Aden Lagradante, ang mga naturang pulis ang titiyak sa kaligtasan at kaayusan sa Metro East at siya ring tutulong sa mga estudyante, mga magulang at mga guro sa pagbubukas ng...

Pasaherong PWD pinagbubugbog, sinakal sa loob ng bus

Pinag-uusapan ngayon sa social media ang isang video kung saan pinagbubugbog, pinagsisipa, at sinakal ang isang umano'y lalaking person with disability (PWD) habang nasa loob ng isang bus na bumabagtas sa kahabaan sa EDSA.Sa isang 1:30 minutong video na ipinost noong Hunyo 10 sa social media, makikitang nakaupo ang umano'y PWD, na nakasuot ng puting damit, sa pinakalikod ng bus habang...

‘Guilty na, pinagmulta pa?’ Cebu Gov. Gwen Garcia, ‘bingo’ sa Ombudsman!

Pinatawan ng guilty of indirect contempt si outgoing Cebu Governor Gwendolyn Garcia matapos siyang hindi bumaba sa puwesto noong siya ay sinuspinde ng Ombudsman.Bukod sa pagiging guilty, pinagmumulta rin ng Ombudsman si Garcia ng tinatayang ₱30,000 matapos ang hindi niya pagsunod sa ipinataw sa kaniyang preventive suspension order noong Abril 23, 2025.“Wherefore, for defying the Preventive...